O Club Atletismo Carballo é un club de atletismo da localidade de Carballo, Galiza. Fundado en 2013, a súa presidenta dende a súa fundación é Ascensión Vázquez Bertoa.[1]
Historia
O club foi fundado en 2013 para impulsar o atletismo na capital de Bergantiños, modalidade representada daquela unicamente polos Muditos, e anteriormente pola sección AD Xiria, que non chegaría ter un longo percorrido.[2][3] A presentación da entidade tivo lugar o 10 de outubro dese mesmo ano na casa do concello nun acto presidido polo daquela alcalde Evencio Ferrero Rodríguez. Nos seus inicios contou tan só con 10 deportistas que realizaban as súas actividades nas instalacións do recinto deportivo do colexio San Luis Romero, o parque do Chorís e as instalacións do Grupo Calvo, con Pepe Domínguez como responsable da área técnica.[2][3]
En 2018 o club estivo a piques de desaparecer pola falta dun corpo técnico especializado. Finalmente o acordo de colaboración co Club Atletismo Riazor da Coruña asinado en 2017 posibilitou que a entidade carballesa saíra á competición unha tempada máis, ao garantir a institución coruñesa a presenza dalgunha persoa do seu corpo técnio en Carballo se ningunha outra persoa asimía a praza vacante.[4]
Notas
Véxase tamén
Ligazóns externas
