Enrique Gómez Jiménez, nado en Santa Clara (Cuba) o 29 de maio de 1889, foi un enxeñeiro e político galego. Foi o 25º presidente do Deportivo da Coruña.
Traxectoria
Fillo de galegos de Becerreá emigrados en Cuba.[1] Traballou como enxeñeiro de camiños na Xefatura de Obras Públicas de Lugo. Nas Eleccións a Cortes Constituíntes de 1931 foi elixido deputado pola provincia de Lugo pola Derecha Liberal Republicana, e nas eleccións xerais de 1933 e nas eleccións xerais de 1936 polo Partido Republicano Conservador. No franquismo foi enxeñeiro xefe de Obras Públicas de Lugo en 1940,[2] enxeñeiro xefe de Obras Públicas da provincia da Coruña dende 1947,[3] e inspector xefe de Obras Públicas de Galicia.[4]
Presidiu o Lugo Sporting Club en 1927.[5] Foi presidente do Deportivo da Coruña desde o 30 de maio de 1950, en substitución de Daniel Chaver Gómez, até o 29 de xaneiro de 1952, sendo á súa vez substituído por Manuel Otero Peón.
Vida persoal
Casou en Becerreá con Magdalena Mateo Ferrer en setembro de 1926.[6]
Recoñecementos
Medalla ao Mérito no Traballo en 1929.[7]
Notas
- ↑ La Voz de la Verdad, 17-5-1923, p. 1.
- ↑ El Progreso, 19-5-1940, p. 2.
- ↑ La Voz de Galicia, 16-1-1947, p. 3.
- ↑ Pueblo, 13-9-1957, p. 2.
- ↑ La Provincia, 3-8-1927, p. 1.
- ↑ El Progreso, 23-9-1926, p. 2.
- ↑ La Voz de la Verdad, 1-10-1929, p. 2.
.svg){kind=small}
