Laura Gardin naceu en setembro de 1889,[1] filla do executivo bancario John Emil e de Alice Tilton Gardin,[2] unha coñecida artista, en Morton Park, un suburbio de Chicago e recibiu a súa educación primaria nas escolas locais. Logo do traslado do seu pai a Nova York en 1904, Laura asitiu á escola na vila de Rye e logo aos institutos Wadleigh e Horace Mann School, na cidade de Nova York; nesta última graduouse en educación secundaria en 1907. Desde a súa infancia amosou aptitudes para modelar figuras e traballar coa arxila, talento que desenvolveu baixo a tutela da súa nai.[3]
A dobre estatua dedicada a Stonewall Jackson e Robert E Lee, na súa localización orixinal en Charles Village, Baltimore.
Malia ser recoñecida principalmente polas súas contribucións á numismática e á medallística, Laura G. Fraser recibiu tamén encargas importantes de escultura de tamaño heroico. A máis salientable neste capítulo foi a acadada logo da súa vitoria no concurso para unha estatua ecuestre dobre dedicada aos xeneraisRobert E. Lee e Stonewall Jackson.[2] O concurso tivo lugar en 1936 e nel foron invitados a participar seis eminentes escultores, doa que só ela era unha muller —os outros cinco foron Lee Lawrie, Paul Manship, Edward McCartan, Hans Schuler e Frederick William—.[3][17][18] Fraser rematou a dobre escultura en 1948 e foi instalada no Wyman Park, en Charles Village, Baltimore.[6]
En xaneiro de 2016, un grupo de traballo encargado do estudo dos monumentosconfederados en Baltimore recomendou que se retirase o monumento a Jackson e Lee, e os comisionados ditaminaron que a esta escultura de Fraser se lle debería ofrecer ao Servizo de Parques dos EEUU para a súa instalación en Chancellorsville, en Virxinia, o lugar onde os dous xenerais confederados se viron por derradeira vez pouco antes da batalla de Chancellorsville en 1863.[19] A escultura foi retirada no abrente do 16 de agosto de 2017 pola cidade de Baltimore, como reacción aos disturbios ocorridos en Charlottesville uns días antes, e a súa localización futura quedou pendente de decidir.[20] A escultura permaneceu almacenada e xerouse un debate sobre a conveniencia da destrución dos monumentos dedicados aos confederados.[21][22]
En 1924 foi elixida membro asociado da Academia Nacional de Deseño, da que pasou a ser académica de pleno dereito en 1931. Tamén foi membro da Sociedade Nacional de Escultura e do Instituto Nacional das Artes e das Letras.[6][23]
↑Kelly, C. (2011). Outdoor Sculpture in Baltimore: A Historical Guide to Puvlic Art in the Monumental City. Johns Hopkins University Press, Baltimore. Páxina 198. ISBN 978-0801897221
↑Rubenstein, C. S. (1990). American Women Sculptors: A History of Women Working in Three Dimensions. G. K. Hall and Co., Boston. Páxina 192. ISBN 978-0816187324
_-_Women_Artists.jpg)
![Pegasus (1954), escultura en Brookgreen Gardens, Carolina do Sur.[1]](Ficheiro:Brookgreen_Gardens_Sculpture39.jpg)
![Baixorrelevo de Eduardo I (1950). Cámara de Representantes dos EEUU.[2]](Ficheiro:Edward_I_bas-relief_in_the_U.S._House_of_Representatives_chamber.jpg)
.jpg)
