Naturalización (bioloxía)

En bioloxía, a naturalización é o proceso de expansión de organismos alóctonos nos ecosistemas.^[1]

Este proceso implica a adaptación permanente duna especie animal ou vexetal á vida nunha área diferente daquela da que procede orixinalmente.^[2]

As especies naturalizadas poden pasar a ser especies invasoras de facerse o suficientemente abundantes como para provocaren un efecto adverso sobre as plantas e os animais nativos.^{[Cómpre referencia]} Dous exemplos significativos son^{[Cómpre referencia]}:

• o da cortadeira ou plumeiro da Pampa (Cortaderia selloana), que está considerada a sétima especie máis daniña da Península Ibérica, e en lugares como Galicia, Cantabria, Asturias ou Euskadi xa ten consideración de praga,^[3][4]
• e o do coello (Oryctolagus cuniculus) en Australia, onde os coellos asilvestrados convertéronse na principal praga do país debido á ausencia de depredadores e competidores naturais.^[5][6]

• Endemismo
• Especie introducida
• Especie invasora