Río Masma

Río Masma
	Desembocadura do río Masma na ría de Foz.
Tipo	río
Inicio
División administrativa	Provincia de Lugo, España
Localización	O Cadramón
Final
División administrativa	Provincia de Lugo, España
Localización	Ría de Foz
	43°27′42″N 7°21′51″O / 43.461602, -7.36423; B 43°34′06″N 7°15′00″O / 43.568278, -7.249952
Afluentes	Río Tronceda
Características
Dimensións	46,2 () km ;

Para outras páxinas con títulos homónimos véxase: Masma, Mondoñedo.

O río Masma é un río da vertente cantábrica, que discorre pola provincia de Lugo.

Nace na serra do Xistral, no concello do Valadouro. Percorre os concellos de Abadín, Alfoz, Mondoñedo, Lourenzá, Barreiros e Foz. Despois de 46 km de percorrido desemboca na ría de Foz, xunto á praia da Rapadoira e á praia de Altar no mar Cantábrico.

A superficie da súa conca supera escasamente os 290 quilómetros cadrados.

Percorrido

O lugar exacto do seu nacemento está na parroquia valadouresa do Cadramón a uns 920 metros de altitude, entre o cumio do Xistral e o do Cadramón. Inicialmente toma o nome de rego Pedrido ou río Pedrido, que pasa bordeando a parroquia alfocesa do Pereiro, atravesa as parroquias abadinenses de Montouto, Labrada e Romariz até entrar na parroquia mindoniense dos Remedios. Toma entón o nome de Río do Porto da Cal ao pasar preto da aldea de Estelo. Un pouco máis adiante, preto da aldea de Tronceda de Abaixo pasa a denominarse río Tronceda, entrando despois na parroquia de Viloalle, na que toma o seu nome definitivo de río Masma ao seu paso pola aldea da Igrexa, tras un breve treito no que coincide co rego Gontán. Cruza posteriormente as parroquias de Vilamor e Masma en Mondoñedo, Santa María de Lourenzá en Lourenzá, Cabarcos, Celeiro de Mariñaos e San Cosme en Barreiros e finalmente Vilaronte no concello de Foz.