Share to: share facebook share twitter share wa share telegram print page

Ricardo Vidal

Modelo:BiografíaRicardo Vidal
Biografía
Nacemento1950 Editar o valor en Wikidata (73/74 anos)
Pasarela, España Editar o valor en Wikidata
Actividade
Ocupaciónpiloto de rally, empresario, mecánico de automóbiles Editar o valor en Wikidata
Deporterally Editar o valor en Wikidata
Familia
FillosAmador Vidal Cernadas Editar o valor en Wikidata

Ricardo Vidal Rodríguez, nado en Pasarela (Calo, Vimianzo) en 1950,[1] é un ex piloto de rallys e preparador de vehículos galego. Competiu durante anos no Campionato de Galicia de Rally e nos anos 70 fundou o equipo de competición AR Vidal. É pai dos pilotos Amador e Ricardo Vidal e tío do copiloto Francis Lema.

Traxectoria

Comezou traballando nun taller de barcos en Cereixo aos catorce anos de idade e tras traballar noutros talleres da Coruña e estudar formación profesional como torneiro marchou a Suíza. Alí traballou en General Motors e Ford e ao pouco tempo volveu a Galicia.[1] En 1975 comezou a montar en Pasarela AR Vidal, que abriu as súas portas en xaneiro de 1976 como un taller mecánico principalmente de camións e tractores Barreiros e coches Simca e Dodge, e que se foi especializando cos anos na preparación de coches de competición, sendo da marca Peugeot os primeiros.[1][2]

Os coches preparados por Vidal gañaron o Desafío Peugeot do Campionato de España de Rallys nos anos 1994, 1995, 1996 e 1999, pilotados por Sergio Vallejo, Manuel Muniente, Miguel Fuster, e Roberto Solís respectivamente.[1] Nesa época tamén competía el mesmo, principalmente no Campionato de Galicia. Comezou cun Peugeot 205 Rallye e correu tamén cun Peugeot 309 GTI e un Peugeot 106 XSI.[3] Correu tamén no Campionato de Galicia de Autocross, rematando subcampión en 2004.

Nos anos 2000 pasou a preparar coches de Mitsubishi, como os do peruano Ramón Ferreyros ou o portugués Rui Madeira, que competiron no Campionato do Mundo con coches de AR Vidal e lograron varios podios no grupo N.[4][5] Outro dos pilotos que conduciron os coches de Vidal foi o seu fillo Amador, que gañou en 2004 o Desafío Peugeot e que se puxo á fronte do equipo tras a retirada do pai.[6] Amador gañou anos despois o Campionato de España de Rallys de Terra en dúas ocasións, mentres que o seu outro fillo, Ricardo, tamén corre en rallys.

Notas

  1. ↑ 1,0 1,1 1,2 1,3 Cumbraos, Miguel (Marzo de 2016). "AR Vidal. 40 anos... dinse pronto" (PDF). Sprint Motor (229). Consultado o 6 de agosto de 2020. 
  2. ↑ "Equipo". www.arvidalracing.com (en castelán). Consultado o 6 de agosto de 2020. 
  3. ↑ "Resultados de Ricardo Vidal". www.ewrc-results.com (en inglés). Consultado o 6 de agosto de 2020. 
  4. ↑ "Rui Madeira, en el Mundial de nuevo con el equipo gallego AR Vidal" (en castelán). 5 de outubro de 2007. Consultado o 6 de agosto de 2020. 
  5. ↑ "El equipo AR Vidal, de Vimianzo se sube al podio en el Rally de Cataluña". La Voz de Galicia (en castelán). 11 de outubro de 2007. Consultado o 6 de agosto de 2020. 
  6. ↑ Gómez, Pablo (21 de novembro de 2014). "Una familia que bien vale un Campeonato de España histórico". La Voz de Galicia (en castelán). Consultado o 6 de agosto de 2020. 

Véxase tamén

Outros artigos
Kembali kehalaman sebelumnya