Santa Comba de Carnota, Carnota

Santa Comba de Carnota
Solpor sobre a praia de Carnota coa igrexa de Santa Comba e o cemiterio.
Concello	Carnota[1]
Provincia	A Coruña
Coordenadas	42°49′19″N 9°05′17″O / 42.822, -9.0881
Poboación	928 hab. (2018)
Entidades de poboación	9[1]
[ editar datos en Wikidata ]

Santa Comba de Carnota é unha parroquia que se localiza no centro do concello de Carnota. Segundo o IGE en 2018 tiña 928 habitantes (503 mulleres e 425 homes), distribuídos en 9 entidades de poboación, o que supón unha diminución en relación ao ano 1999 cando tiña 1.299 habitantes.

A igrexa parroquial foi construída en 1755, substituíndo unha románica anterior, de reducidas dimensións. Forma un conxunto monumental co hórreo, a casa reitoral e o pombal de planta circular. É de estilo barroco clasicista, de planta de cruz latina, con dúas naves laterais. O retablo é obra do escultor Ferreiro. A elevada torre engadiuse no século XIX, e a súa autoría atribúese a Carlos Aboy.

• 
  Igrexa parroquial.
• 
  Capela de San Gregorio.
• 
  Hórreo de Carnota.
• 
  Fachada da igrexa de Santa Comba.
• 
  Hórreo en Carnota

• Lugares de Carnota