A sopa de cebola (en francés: Soupe à l'oignon) é un caldo no que o ingrediente principal é a cebola (aínda que normalmente leva unha base de pan). É unha sopa moi coñecida orixinaria de Francia. Hoxe é unha das sopas máis populares, e aínda se pode atopar en forma de sopa instantánea en case calquera supermercado no mundo occidental.
Consumo
Para a elaboración do prato é preciso cortar algunhas cebolas en forma de brunoise ou xuliana e, a continuación, fritir en manteiga (compoñente da versión chamada "francesa") ou calquera outro aceite vexetal. Todo isto cócese máis tarde en auga e fariña (é un tipo de Roux). Sérvese polo xeral quente nun tipo de recipiente coa cebola flotando sobre algúns anacos de pan branco.
Historia
Aparece por primeira vez esta "versión francesa" de sopa de cebola co nome de "Soupe d'oignons aux Halles" no século XVIII[1] no Halles de París (o antigo mercado). Era considerado no pasado (Revolución Francesa) como un prato humilde, feito con ingredientes sinxelos, ás veces identificado con períodos de abstinencia.
Notas
