She yn phobblaght hene-reiltagh Ookraanagh er Lieh-innys y Chrimeea bun-chooish y duillag shoh. My vel anaase ayd ayns keeall elley yn 'ockle shoh, lhaih Yn Chrimeea (reddaghey).
Автономная Республика Крым Автономна Республіка Крим Qırım Muhtar Cumhuriyeti
Cha nel staydys oikoil 'syn Ookraan agh ec yn Ookraanish. Agh, rere Bunraght y Chrimeea she yn Rooshish yn çhengey eddyr-chynneeagh. Er y chooid smoo, ta'n reiltys as undinyssyn bentyn rish jannoo ymmyd jeh'n Rooshish. Ta'n Tatarish Chrimeeagh goll er loayrt chammah.
2
Ta +380 65 ymmydit ayns Pobblaght Hene-reiltagh ny Crimeea as ta +380 692 ymmydit ayns Caayr Sevastopol er yn oyr dy nee unnid reiragh er lheh t'ayn.
She pobblaght hene-reiltagh jeh'n Ookraan ee Pobblaght Hene-reiltagh y Chrimeea (Ookraanish: Автономна Республіка КримAvtonomna Respublika Krym, Rooshish: Автономная Республика КрымAvtonomnaya Respublika Krym, Tatarish Chrimeeagh: Qırım Muhtar Cumhuriyeti). Ta'n phobblaght hene-reiltagh goaill stiagh y chooid smoo jeh lieh-innys y Chrimeea. T'ee çhemmit 'sy jiass as 'sy neear liorish y Vooir Ghoo, 'sy niar liorish Mooir Azov as Keyllys Kerch, as 'sy twoaie liorish yn Ookraan. Cha nel agh taagher keyl kiangley yn lieh-innys rish y çheer vooar. Ta Caayr Sevastopol çhemmal rish y phobblaght hene-reiltagh 'sy neear yiass. She Simferopol preeu-valley yn phobblaght hene-reiltagh.
'Sy vlein 2007, va 1,973,185 dooinney cummal 'sy phobblaght hene-reiltagh. Lesh shen, va 2,352,385 dooinney cummal ayn 'sy vlein shen. She Rooshee 58.32% jeh pobble yn ard, Ookraanee 24.32% as Tataree Chrimeeagh 12.1%.
