Pančicy-Kukow

Pančicy-Kukow
němsce	Panschwitz-Kuckau
	Pančicy-Kukow na karće Sakskeje
	Pančicy-Kukow na karće Sakskeje
Wopon
	Wopon Pančic-Kukowa
	Wopon Pančic-Kukowa
Zakładne daty
stat	Němska
zwjazkowy kraj	Sakska
wokrjes	Budyski
wysokosć	165–185
přestrjeń	23,35 km²
wobydlerstwo	2.056 (31. dec 2023)
hustosć zasydlenja	88 wob. na km²
póstowe čisło	01920
předwólba	(+49) 035796
awtowa značka	BZ, BIW, HY, KM
Politika a zarjadnistwo
wjesnjanosta	Markus Kreuz (CDU)
adresa	Halštrowska 3; 01920 Pančicy-Kukow
webstrona	panschwitz-kuckau.de
Połoženje Pančic-Kukowa w Sakskej
	Karta
	wikidata: Pančicy-Kukow (Q93279)

51.23333314.2

Koordinaty: 51° 14′ S, 14° 12′ W

Pančicy-Kukow (němsce Panschwitz-Kuckau) je hornjołužiska gmejna a wjeska w sakskim wokrjesu Budyšin. Gmejna słuša k zarjadniskemu zwjazkej „Při Klóšterskej wodźe“ a k serbskemu sydlenskemu rumej a leži něhdźe dźewjeć kilometrow juhowuchodnje Kamjenca w serbskich Horjanach. Pančicy-Kukow ma wokoło 2.200 wobydlerjow, wot kotrychž je něhdźe połojca we wsy samej žiwa. W lěće 2001 rěčachu 49,7 % wobydlerstwa serbsce.^[2]

Geografija

Pančicy-Kukow leža mjez 165 do 185 m nad NN na něhdyšich zahonach klóštra Marijina hwězda. Přez Pančicy-Kukow běži Klóšterska woda, přitok Čorneho Halštrowa, kotraž dźěli historiskej wjesnej dźělej Pančicy a Kukow.

Wjesne dźěle

Pančicy-Kukow nasta w lěće 1957 ze samostatneju wjeskow Pančicy a Kukow. Ke gmejnje słušeja slědowace wjeski:

wjes	wob.	přer. staroba	♀/♂^a	kwocient młodych^b	kwocient starych^c	wosoby/ domjacnosć
Časecy	22	39,3	83	36	21	2,4
Hłupońca	23	45,3	130	17	11	2,1
Jawora	127	43,7	105	27	36	2,9
Kanecy	52	41,8	100	26	23	2,9
Kašecy	121	38,8	102	34	23	3,1
Lejno	110	41,7	96	36	30	2,8
Nowe Městačko	9	61,4	125	0	80	1,8
Pančicy-Kukow	1130	44,9	81	18	31	2,4
Stara Cyhelnica	52	44,9	108	16	21	3,1
Swinjarnja	73	41,6	128	21	17	2,8
Wotrow	278	39,4	108	39	31	3,3
Zejicy	40	38,9	82	44	30	2,5
Žuricy	104	41,7	126	27	28	2,6
gmejna	2141	43,2	93	24	30	2,6
podaća po cencusu 2011; staw: 9.5.2011^[3] a: ličba mužow na 100 žonow b: poměr ličby wosobow pod 18 lětami k 100 wosobam mjez 18 a 65 c: poměr ličby wosobow nad 65 lětami k 100 wosobam mjez 18 a 65

Wobydlerstwo

Po ludličenju z lěta 2011 bydlachu w gmejnje Pančicy-Kukow 2.141 wobydlerjow. Z tutych přisłušachu 1.662 romsko-katolskej cyrkwi (77,6 %), 201 ewangelskej cyrkwi (9,4 %) a 278 k druhej abo žanej nabožinskej zhromadnosći (13 %).^[4] Katolscy wobydlerjo słušeja ke Chróšćanskej wosadźe. Nimale wšitke wsy maja katolsku wjetšinu wobydlerstwa, nimo Žuric, Kašec a Hłupońcy na juhu gmejny, kotrež běchu tradicionelnje přewažnje ewangelske z katolskej mjeńšinu. Tamniši protestanća přisłušeja ewangelskej wosadźe w Hornim Wujězdźe.

Politika

Gmejna słuša k sakskemu wólbnemu wokrjesej 53 (Budyšin 2) a k zwjazkowemu wólbnemu wokrjesej 156 (Budyšin I).

Gmejnska rada

Gmejnska rada ma tuchwilu dwanaće čłonow. Komunalne wólby lěta 2019 mějachu slědowace wuslědki:^[5]

Strony a zjednoćenstwa	2019	2014
Strony a zjednoćenstwa	%	sydła	%	sydła
Křesćansko-demokratiska unija Němskeje (CDU)	54,9	7	53,5	7
Serbske wolerske zjednoćenstwo	45,1	5	46,5	5
cyłkownje	100,0	12	100,0	12
wobdźělenje	73,3 %		61,2 %

Gmejnskej radźe přisłušeja wot 2019 slědowace radźićeljo a radźićelki:

CDU: Katrin Piller, Stefan Anders, Robert Paška, Philipp Knop, Ronny Rebiš, Peter Rietscher, Křesćan Krawža
Serbske wolerske zjednoćenstwo: Stefan Rjeda, Stefan Cyž, Joachim Kokla, Beno Šołta, Clemens Škoda^[6]

Wjesnjanosta

Čestnohamtski wjesnjanosta Pančic-Kukowa je Markus Kreuz (CDU) z Wotrowa. Wón bu dnja 31. awgusta 2014 z 84,5 % hłosow wuzwoleny. Wolerske wobdźělenje wučini 67,5 %.^[7]

wólby wjesnjanosty
wólba	wjesnjanosta	namjet	wuslědk (%)
2021	Markus Kreuz	CDU	89,1
2014	Markus Kreuz	CDU	84,5
2011	Handrij Mikela	CDU/SSWZ	81,0
2088	Franc Pjetaš	CDU	91,4
2001	Franc Pjetaš	CDU	97,7

Kubłanje

W Pančicach-Kukowje nadeńdźe so Serbska zakładna „Šula Ćišinskeho“.^[8] Serbska srjedźna šula je so w lěće 2006 zawrěła.

Wosobiny

We wsy so narodźili

Kukow

hlej Kukow#Wosobiny

Pančicy

Mikławš Andricki (1871–1908) – duchowny, spisowaćel, publicist a přełožowar
Jurij Słodeńk (1873–1945) – wučer, hudźbnik, spisowaćel, narodny prócowar
Jan Andricki (1880–1955) – wučer, kantor, kulturny a narodny prócowar, dirigent

We wsy skutkowali

Jan Jurij Prokop Hančka (1731–89) – rjadnik, rěčespytnik, spisaćel nabožinskich spisow; 1759–89 kapłan w Marijinej hwězdźe
Mikławš Rachel (1855–1930) – lěkar, spěchowar lajskeho dźiwadła; 1885–1930 w Pančicach
Mikławš Bejmak (1897–1958) – wučer a kulturny prócowar; 1922–46 a 1951–58 w Pančicach
Gerat Libš (1935–2012) – basnik
Stanisław Tilich (* 1959) – ministerski prezident Swobodneho stata Sakskeje; bydli w Pančicach-Kukowje

Žórła

↑ Aktualne ličby wobydlerstwa po gmejnach 2023; Statistiski krajny zarjad Sakskeje
↑ Martin Walde: Demographisch-statistische Betrachtungen im Gemeindeverband „Am Klosterwasser.“ W: Lětopis 51 (2004), čo. 1. (němsce)
↑ Statistiski krajny zarjad Sakskeje: gmejna Pančicy-Kukow (němsce)
↑ Datowa banka censusa na zensus2011.de (němsce)
↑ Wuslědki komunalnych wólbow dnja 26. meje 2019 w Pančicach-Kukowje na wahlen.sachsen.de
↑ Tole su woleni gmejnscy a měšćanscy radźićeljo. W Serbskich Nowinach dnja 29. meje 2019.
↑ Wuslědki komunalnych wólbow dnja 31. awgusta 2014 w Pančicach-Kukowje na statistik.sachsen.de
↑ Lisćina šulow z poskitkom serbskeje wučby na webstronje Rěčneho centruma WITAJ

Wotkaz

Commons: Pančicy-Kukow – Zběrka wobrazow, widejow a awdiodatajow

Města a gmejny w Budyskim wokrjesu

[Metadaty_wobydlerstwo_DE-SN-1] Aktualne ličby wobydlerstwa po gmejnach 2023; Statistiski krajny zarjad Sakskeje

[2] Martin Walde: Demographisch-statistische Betrachtungen im Gemeindeverband „Am Klosterwasser.“ W: Lětopis 51 (2004), čo. 1. (němsce)

[3] Statistiski krajny zarjad Sakskeje: gmejna Pančicy-Kukow (němsce)

[4] Datowa banka censusa na zensus2011.de (němsce)

[5] Wuslědki komunalnych wólbow dnja 26. meje 2019 w Pančicach-Kukowje na wahlen.sachsen.de

[6] Tole su woleni gmejnscy a měšćanscy radźićeljo. W Serbskich Nowinach dnja 29. meje 2019.

[7] Wuslědki komunalnych wólbow dnja 31. awgusta 2014 w Pančicach-Kukowje na statistik.sachsen.de

[8] Lisćina šulow z poskitkom serbskeje wučby na webstronje Rěčneho centruma WITAJ

[1]

[2]

[3]

[4]

[5]

[6]

[7]

[8]