Ti Baybay Amundsen , ket ti maysa nga ima ti Akin-abagatan a Taaw idiay Daga Marie Byrd idiay akin-abagatan nga Antartika, ken mabirukan daytoy iti nagbaetan ti Rawis Flying Fish (ti akin-amianan a laud nga ungto ti Isla Thurston) iti daya ken ti Rawis Dart idiay Isla Siple iti laud. Ti Rawis Flying Fish ket mangmarka ti pagbeddengan a nagbaetan ti Baybay Amundsen ken ti Baybay Bellingshausen. Iti laud ti Rawis Dart awan ti nanagana a marginala baybay ti Akin-abagatan a Taaw a nagabetan dagiti Baybay ti Amundsen ken Ross. Ti Norwego nga ekspidision idi 1928–1929 babaen ni Kapitan Nils Larsen ket nanginagan ti bagi ti danum para ikenni Norgwego nga eksplorador Roald Amundsen bayat a nagsuksukisok iti daytoy a lugar idi Pebrero 1929.[1]
Ti baybay ket kaaduan a naabbongan iti yelo, ken ti Dila ti Yelo ti Thwaites ket rumrummuar iti daytoy. Ti sabanas ti yelo nga agayus iti Baybay Amundsen ket agpakatengnga iti agarup a 3 km (1.9 mi) iti kapuskol; agarup daytoy iti kadakkel iti estado ti Texas, daytoy a lugar ket ammo iti Ingles a kas ti Amundsen Sea Embayment (ASE); daytoy ket mangporma iti maysa kadagiti tallo a nangruna a pagayusan a labneng ti yelo ti Sabanas ti Yelo ti Laud nga Antartiko.
Dagiti nagibasaran
^"Amundsen Sea". Geographic Names Information System. United States Geological Survey. Naiyarkibo manipud iti kasisigud idi 2020-10-03. Naala idi 23 Oktubre 2011.
Lubin, Dan; Massom, Robert (2006). Polar Remote Sensing. New York: Springer.
Schnellnhuber, Hans Joachim, ed. (2006). Avoiding Dangerous Climate Change. Cambridge: Cambridge University Press.
Daytoy nga artikulo a maipanggep iti naisangayan a lokasion ti taaw wenno anud ti taaw ket pungol. Makatulongka iti Wikipedia babaen ti panagnayon iti daytoy.
