Ti Baybay Levantino ket beddengan babaen ti Turkia iti amianan, ti Siria, Lebanon, Israel ken ti Gaza Strip iti daya, ti Ehipto ken Libya iti abagatan, ken ti Baybay Egeo iti amianan a laut. Ti akinlaud a pagbeddengan iti siwawaya a Mediteraneo (idiay ket makunkuna pay a ti Baybay ti Libya) ket naipalawag a kas ti linia manipud iti rawis Ra's al-Hilal idiay Libya aginggana iti Gavdos, iti abagatan ti Creta. Ti kadakkelan nga isla iti Baybay Levantino ket ti Cyprus. Ti kaadaleman a parte ket 4,384 m (14,383 ft) ket mabirukan iti Trinsera Pliny, iti agarup a 80 km (50 mi) iti abagatan ti Creta. Gumay-at ti Baybay Levantino iti sumurok a kalawa iti 320,000 km2 (120,000 sq mi).
Ti akin-amianan a parte ti Baybay Levantino iti pagbaetan ti Cyprus ken Turki ket makunkuna a Baybay Cilician. Iti pay amianan ket dagiti dua a dakkel a luek, ti Golpo ti İskenderun (namianan a daya) ken ti Golpo ti Antalya (amianan a laud).
Dagiti labneng
Dagiti pagbeddengan ti Labneng Levante, wenno Labneng Levantino
Ti lugar gas ti Leviahan ket mabirukan iti daytoy a lugar iti uneg ti daga ti labneng Levantino iti akin-abagatan a daya a parte ti Mediteraneo.[1][2]
Itilaud ti Naadalem a Labneng tiMarina ti Levantino ket ti Labneng ti Delta Nilo, sarunuen babaen ti Labneng Herodotus, 130,000 km2 (50,000 sq mi) iti kadakkel ken aginggana iti 3,200 m (10,500 ft) a kaadalem,[3] nga iti mabalin a tawen iti 340 a riwriw a tawtawen – daytoy ket naipamatian a ti kaduogan nga ammo nga ukis ti taaw itilubong.[4]
Ekolohia
Ti Kanal Suez ket n akompleto idi 1869, a mangisilpo daytoy iti Baybay Levantino iti Baybay Nalabbasit. Ti agpang ti Baybay Nalabbasit ket nangatngato ngem iti Akindaya a Mediteraneo, isu a ti kanal ket agserbi a kas maysa nga lingsat ti atab a mangibuyat iti danum ti Baybay Nalabbasit iti Mediteraneo. Ti Nalatak a Dandanaw Amargo, nga isuda ket dagiti naapgad unay a danaw a mangporma iti parte ti kanal, ket mangbangen iti migrasion dagiti sebbangan ti Baybay Nalabbasit iti Mediteraneo kadagiti adu a dekada, ngem no ti kaapgad dagiti danaw ket agin-inut a maipada iti Baybay Nalabbasit, maikkat ti bangen ti migrasion, ken dagiti mula ken dagiti ayup manipud iti Baybay Nalabbasit ket nangrugrugidan a nagkolonia iti akindaya a Mediteraneo. Daytoy a migrasion dagiti sebbangan ket ammo a kas ti migrasion Lessepsiano, manipud kenni Ferdinand de Lesseps, ti hepe nga inheniero iti kana.
Ti pannakabangon ti Nangato a Penned Aswan iti ballasiw ti Karayan Nilo kadagiti tawen ti 1960 ket nangpabassit ti ayus ti nasadiwa a danum ken lan-ak idiay Baybay Levantino. Daytoy ket nagaramid iti baybay a relatibo a naap-apgad ken awan unay iti taraon ngem iti dati, a nakaituronga ti pannakapaay ti historikal a nangruna a panagkalap iti sardinas, ken nakaited iti maysa a pangatiwan dagiti sebbangan ti Baybay Nalababsit, a nakaampon iti naap-apgad ken awan unay iti taraon a Baybay Nalabbsit.
Özsoy, E. and H. Güngör (1993). The Northern Levantine Sea Circulation Based on Combined Analysis of CTD and ADCP Data, In: P. Brasseur (editor), Data Assimilation: Tools for Modelling the Ocean in a Global Change Perspective, NATO ASI Seeries, Springer-Verlag, Berlin.
Sur, H. İ., Özsoy, E., and Ü. Ünlüata, (1992). Simultaneous Deep and Intermediate Depth Convection in the Northern Levantine Sea, Winter 1992, Ocean.
Dagiti akinruar a silpo
Dagiti midia a mainaig iti Baybay Levantino iti Wikimedia Commons
