Windows Mixed Reality

Windows Mixed Reality (ქართ. Windows-ის შერეული რეალობა; ადრე Windows Holographic) — დამატე�…

Windows Mixed Reality
Windows Mixed Reality

Windows Mixed Reality (ქართ. Windows-ის შერეული რეალობა; ადრე Windows Holographic) — დამატებითი რეალობის კომპიუტერული პლატფორმა მაიკროსოფტისგან, რომელიც შემუშავებულია Windows 10 ოპერაციულ სისტემაზე. ვინდოუსის აპლიკაციის პროგრამირების ინტერფეისით (API), რომელიც ვინდოუს 10-ის ყველა ვერსიაშია ხელმისაწვდომი (მათ შორის ვინდოუს 10-ზე ტელეფონებისა და ტაბლეტებისათვის), დამატებითი რეალობის მახასიათებლებს შესაძლებლობა აქვს ადვილად განხორციელდეს ვინდოუსის ნებისმიერ უნივერსალურ აპლიკაციაზე, ვინდოუს 10-ზე მომუშავე ყველა მოწყობილობაზე.[1] კომპანია Microsoft-მა Windows Holographic-ი წარმოადგინა 2015 წლის 21 იანვრის პრესკონფერენციაზე „Windows 10: შემდეგი თავი“.[2]

Microsoft HoloLens

Windows Holographic-ის პირველი მოწყობილობა — Microsoft HoloLens-ი ჭკვიანი სათვალეა, რომელიც უკაბელოა და შეიცავს Windows 10-ზე მომუშავე კომპიუტერს. იყენებს მოწინავე სენსორებს, მაღალი გარჩევადობის, თავზე გასაკეთებელ 3D ოპტიკურ დისპლეის, რომელსაც გააჩნია ჰოლოგრაფიკული ლინზები და სივრცული ხმა დამატებითი რეალობის აპლიკაციებისათვის, Natural user interface-ი, რომელთა საშუალებითაც მომხმარებელი ურთიერთქმედებს მზერით, ხმით და ხელების მოძრაობით.[3] სანამ მოწყობილობას 2015 წლის იანვარში საზოგადოებას წარუდგენდა, მაიკროსოფტი მასზე ხუთი წლის მანძილზე მუშაობდა პროექტის ფარგლებში სახელად „Project Baraboo“.[3][4]

Microsoft HoloLens-თვის წარმოდგენილ აპლიკაციებს შორისაა HoloStudio — 3D მოდელირების აპლიკაცია, რომელსაც შეუძლია აწარმოოს 3D პრინტერებისათვის; Holobuilder-ი — ჩვენება, რომელიც შთაგონებულია ვიდეო-თამაშ Minecraft-ით; იმპლემენტირებულია Skype-ის სატელეკომუნიკაციო აპლიკაციები; OnSight — პროგრამული უზრუნველყოფის ხელსაწყო, რომელიც შექმნილია ნასას რეაქტიული მოძრაობის ლაბორატორიასთან (JPL) ერთად.[5] OnSight-ი აერთიანებს მარსმავალ Curiosity-დან მოსულ მონაცემებს 3D სიმულაციებით, მარსის მსგავს გარემოში, რისი საშუალებითაც, HoloLens-ის გამოყენებით მთელი მსოფლიოს მეცნიერებს შეუძლიათ მოახდინონ ვიზუალიზაცია, ინტერაქტივი და თანამშრომლობა ერთდროულად. OnSight-ის გამოყენება შესაძლებელია მისიის დასაგეგმად, ვინაიდან მომხმარებლებს შეეძლებათ დააპროგრამონ მარსმავალის აქტივობები სიმულაციებით.[6] მავალის აქტივობების გასაკონტროლებლად, ნასას რეაქტიული მოძრაობის ლაბორატორია OnSight-ის შეტანას Curiosity-ის მისიის ოპერაციებში 2015 წლის ივლისისათვის გეგმავს.[1]

HoloLens-ში გამოყენებულ სენსორთა ტიპებს შორისაა ენერგოეფექტური ღრმა კამერა 120°×120°-იანი ხილვადობით.[4] სენსორების სხვა შესაძლებლობებს შორისაა ასევე თავის მონიტორინგი, ვიდეოგადაღება და ხმის ჩაწერა. გარდა მაღალი დონის CPU-სა და GPU-სა, HoloLens-ს გააჩნია Holographic Processing Unit (HPU) — კოპროცესორი, რომელიც მრავალგვარ სენსორთა მონაცემების ინტეგრირებას ახდენს, სივრცული რუკების დახაზვის შესაძლებლობა, ჟესტების აღქმა, ხმოვანი და მეტყველებითი აღქმა.[1]

როგორც მაიკროსფტი ვარაუდობს, HoloLens-ი ხელმისაწვდომი იქნება „Windows 10-ის ვადებში“ და გაეშვება როგორც საწარმოო, ისე სამომხმარებლო ბაზრებზე.[2]

რესურსები ინტერნეტში

სქოლიო

  1. ↑ 1.0 1.1 1.2 Terry Myerson, Alex Kipman, Jeff Norris, Satya Nadella. (21 January 2015). Windows 10: The Next Chapter. Microsoft. Event occurs at 01:36:53. დაარქივებულია ორიგინალიდან 12 აპრილი 2015-ში. https://web.archive.org/web/20150412031218/https://ll.ms-studiosmedia.com/events/2015/1501/Windows10CP/live/Windows10CP.html. წაკითხვის თარიღი: 25 იანვარი 2015.
  2. ↑ 2.0 2.1 Shaban, Hamza. (2014-09-02) Microsoft announces Windows Holographic with HoloLens headset. The Verge. ციტირების თარიღი: 2015-01-21.
  3. ↑ 3.0 3.1 Hempel, Jessi. Restart: Microsoft in the age of Satya Nadella. Wired (21 January 2015). ციტატა: „Each lens has three layers of glass—in blue, green, and red—full of microthin corrugated grooves that diffract light. […] A “light engine” above the lenses projects light into the glasses, where it hits the grating and then volleys between the layers of glass millions of times.“ ციტირების თარიღი: 22 January 2015.
  4. ↑ 4.0 4.1 Hempel, Jessi. Project HoloLens: Our Exclusive Hands-On With Microsoft’s Holographic Goggles (21 January 2015). ციტირების თარიღი: 22 January 2015.
  5. ↑ Gilbert, Ben. I experienced 'mixed reality' with Microsoft's holographic computer headset, 'HoloLens' (21 January 2015). ციტირების თარიღი: 22 January 2015.
  6. ↑ NASA, Microsoft Collaboration Will Allow Scientists to "Work on Mars". Jet Propulsion Laboratory (21 January 2015). ციტირების თარიღი: 22 January 2015.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.