Basgitaar

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

'n Basgitaar is 'n elektrisch versterk getokkeld snaorinstrumint wat toene in 't basregister veurtbringk. 't Instrumint zuut oppervlekkeg oet wie 'n elektrische gitaar en weurt wie dees in de erm gehawwe, meh is gestump wie 'ne (veersnaorege) contrabas: ,E-,A-D-G. De notatie is twie octave hoeger, in de g-sleutel, zoetot me ze wie 'n gitaar kin leze. Tabulature zien evels gebrukeleker. 't Gief fretloes en gefretde basgitare; de ierste pak me, op geveul en ervaoring, perceis boe me de toen wèlt höbbe (wie de contrabas en aander striekers), de twiede bespäölt me door de vinger in 't vekske te lègke. 't Twiede typ is gemekeleker, zeker veur gitariste, en weurt väöl mie touwgepas. Gemekelek veur gitariste is ouch tot de veer snaore vaan 'n basgitaar perceis zoe zien gestump wie de veer liegste snaore vaan de gitaar, meh daan 'n octaaf lieger. De basgitaar is in de jaore daarteg oontwikkeld meh kaom pas in 1951 in groete productie, mèt 't oetbringe vaan de Fender Precision Bass. In de rock 'n roll woort heer alumtegewoordeg, en allewel tot väöl rock 'n rollbands nog 'ne contrabas hadde, is sindsdeen 't instrumint oet de popmeziek in 't algemein en de rockmeziek in 't bezunder neet mie weg te dinke. Ouch in d'n jazz, in 't bezunder de rock jazz, nump heer de plaots vaan de contrabas in. Oonder de wienege bands die gein basgitaar hadde zien The Doors.

  Dit artikel is e sjtumpke. De kans Wikipedia helpe door 't aan te völle