Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
D'n Athinon Avenue: 't kinmerk vaan de stad
Larnaka (Nuigrieks: Λάρνακα, oftewel Lárnaka, mèt 'n klèmtoen op Lár-, Törks: ouch Larnaka, Ingels: Larnaca) is 'n stad in 't zuidooste vaan Cyprus en de hoofplaots vaan 't distrik Larnaca. 't Gief 'n inwoenertal vaan 72.000 inwoeners volges de census vaan 2001. Heimèt is 't de daarde stad vaan 't eilaand. Allein Nicosia en Lemesos zien groeter. Op Nicosia nao is Larnaka de diechsbijziende stad vaan Cyprus die in de buurt ligk vaan 't door de EU neet erkènde Noord-Cyprus. Vreuger woort Larnaka Kitiom geneump. Dit ligk in verbaand mèt 't eiland zelf, dat in de Biebel in zien gehiel Kitim, woort geneump. Kitim waor euvereges ouch de zoon vaan 't Biebels figuur Noach. Heidoor geluif me in 't Christendom, tot Kitim, zoon vaan Noach, Larnaka heet gestiech. Larnaka kump vaan 't Aajdgrieks: larnax, dat sarcofaag beteikend.
