De Río Grande de Zacapa is en 29 Kilometer langen Stroom in de Departamentos Chiquimula un Zacapa von Guatemala, de in’n Río Motagua münnt.
De Stroom billt sik bi dat Dörp Tapazán dör dat Tohoopfleten von Río Grande (oder Río San José), de von Chiquimula ut Süüdwesten her kummt, un Río Grande o Camotán (ut Süüdoosten). Warrt Río Grande o Camotán, Río Amarillo un Quebrada Ruizal mitrekent, is de Waterloop bet dorhen al 146 Kilometer lang. Von Tapazán flütt he na Noordwesten mit de Straat CA-10 parallel an’t Westöver. De Río Grande de Zacapa flütt an Santa Lucía un Santa Rosalía un de Städer Zacapa un Estanzuela langs un münnt toletzt bi Manzanotes in’n Río Motagua. Dat Water flütt wieder över’n Río Motagua na de Karibische See.
