«Boys Keep Swinging» er ein song av den engelske musikaren David Bowie. Han vart gjeven ut som den første singelen frå albumet Lodger den 27. april 1979.
Innspeling og utgjeving
Under innspelinga av Lodger ønskte Bowie å fange stilen til garage-band for denne songen, og vart samd med Brian Eno om at den beste måten å få det til på var om bandet bytta instrument, etter at dette vart «føreslått» av Oblique Strategies-korta til Eno. Gitaristen Carlos Alomar spelte derfor trommer og trommeslagar Dennis Davis spelte bass.
«Boys Keep Swinging» har nøyaktig same akkordsekvens som «Fantastic Voyage» frå same albumet og B-side til singelen.
Songen nådde sjuandeplassen i Storbritannia og var første gongen Bowie nådde Topp 10 på singellista der sidan «Sound and Vision» i februar 1977. Songen har berre vorte spelt på ein av turneane til Bowie så langt, Outside-turneen i 1995.
Den djupe stemma til Bowie er ein satire over mannlegdom og teksten blander skildringar av mannlege privilegium og homoerotikk, som til dømes «When you're a boy, other boys check you out». Då dette vart kombinert med ein video regissert av David Mallet, med ein Bowie i dress og tre korvokalistar som viser seg å vere dragartsitar, valde RCA å ikkje gje ut singelen i USA, og valde i staden «Look Back in Anger».
Saturday Night Live
Den 15. desember 1979 var Bowie musikalsk gjest på Saturday Night Live og fekk med seg Klaus Nomi og Joey Arias som korvokalistar under framføringa, som nytta ein spesiell dukke-effekt, der hovudet til Bowie vart projisert over hovudet på dukka. Under sendinga sensurerte NBC linja «other boys check you out», men la ikkje merke til den sprettande fallosen til dokka mot slutten av songen, som gjekk usensurert.
Han vart gjeven ut som biletplate i Fashions Picture Disc Set.
Andre versjonar
A Camp - 'Colonia' (Feb 2009)/'Love Has left The Room' (EP) (May 2009)
AFX - Ashes to Ashes: A Tribute to David Bowie (1998)
Aspyg - Spiders from Venus: Indie Women Artists and Female-Fronted Bands Cover David Bowie (2003)
The Associates - gav ut songen på singel i 1979 utan løyve som eit publisitetsstunt. Det fungerte sidan bandet fekk plateavtale kort tid etter. Denne versjonen finst på Starman: Rare and Exclusive Versions of 18 Classic David Bowie Songs, som følgde mars 2003-utgåva av Uncut.
The Dambuilders - Crash Course for the Ravers - A Tribute to the Songs of David Bowie (1996)
