Mario-serien har inspirert ei rekkje av rollespel med Mario til å bli utvikla til fleire av spelkonsollane frå Nintendo. Alle spela har Mario som hovudperson, som ofte får følgje av ein eller fleire eksisterande figurar frå Mario-spela eller originale figurar introduserte i kvart spel.
Det første spelet som introduserte rollespel-element i Mario-serien var Super Mario RPG, som var utvikla av Square og utgjeve i 1996 til Super Nintendo Entertainment System. Spelet har ikkje nokon direkte oppfølgjar. To seinare spelseriar, Paper Mario og Mario & Luigi, har bygd vidare på konvensjonar etablert i originalen. Paper Mario-spela vart utvikla av Intelligent Systems og er kjende for sin særprega visuelle stilart. Mario & Luigi-spela vart utvikla av AlphaDream, og er alle vorte utelukkande utgjevne på handhaldne konsollar.
