I taket på arenaen Palau Sant Jordi vart det funne ei bombe nokre dagar før OL starta. Bomba vart destruert like etter ho vart funnen. Det var truleg ei gruppe med tilknyting til ETA som hadde plassert bomba på arenaen.[2]
Opningsseremoni
Under opningsseremonien vart ei brennande pil skoten opp i ei gryte for å tenne den olympiske elden. Elden vart ikkje påtent av pila, men ved at nokon trykkja på ein knapp.[2]
Norske resultat
Linda Andersen blei den første norske kvinna som vann gull i eit sommar-OL. Det skjedde i segling, i klassen europajolle. Jon Rønningen vann gull i bryting. Norske utøvarar tok også fire sølv- og ein bronsemedalje.
