Muhammad Ayyub (Oṣu Kẹwa ọdun 1952 – 16 Oṣu Kẹrin ọdun 2016) jẹ́ ọmọ Qari, Imam^[1], ati ọ̀mọ̀wé Islam ti ilu Saudi Arabia^[2]. Ó gbajúmọ̀ jùlọ fún kíkà Al-Quran^[3] àti iṣẹ́ ìsìn rẹ̀ gẹ́gẹ́ bí imam ní Masjid an-Nabaw^[4]i ní Medina^[5] láàárín ọdún 1990 sí 1997, àti ní ọdún 2015. ^[6] Ó tún ṣiṣẹ́ gẹ́gẹ́ bí imam ní Masjid al-Quba ní Medina. Ó tún ṣiṣẹ́ gẹ́gẹ́ bí ọmọ ẹgbẹ́ olùkọ́ ní Ẹ̀ka Tafsir ní Ẹ̀ka Al-Qur'an Mímọ́ àti Ẹ̀kọ́ Ìsìn ní Yunifásítì^[7] Islamic ti Madinah ti ósì tún jẹ́ ọmọ ẹgbẹ́ Ìgbìmọ̀ Ẹ̀kọ́ ti Ilé-ẹ̀kọ́ King Fahd fún Títẹ̀ Al-Qur'an Mímọ́^[8] . Ó kú ní ọjọ́ kẹrìndínlógún oṣù kẹrin ọdún 2016.

Muhammad Ayyub ni a bí ní ìlú Mecca, Saudi Arabia, ní ọdún 1952 (1372 AH).

Ìdílé rẹ̀, tí ìpilẹ̀ wọn jẹ́ Rohingya láti Arakan, Burma (tí a mọ̀ lónìí sí Rakhine State, Myanmar), kó lọ sí Mecca ní àárín ọdún 1949 (1368 AH) nítorí inúnibíni tí àwùjọ Musulumi Rohingya dojúkọ. A sọ pé bàbá rẹ̀, tí ìgbésí-ayé rẹ̀ kún fún ìṣòro àti òṣì, ni wọ́n fi sẹ́wọ̀n ní Burma. Gẹ́gẹ́ bí àkọ́bí, Ayyub bẹ̀rẹ̀ sí í kó ipa nínú ìtìlẹ́yìn ìdílé rẹ̀ láti ìgbà kékeré.

Ayyub jẹ́ ará ìran Burma, ó sì tẹ̀lé ilé-ẹ̀kọ́ Hanafi nínú fiqhu (ìmọ̀ òfin ìslam).

Muhammad Ayyub parí ìkọ́ ẹ̀kúnrẹ́rẹ́ Al-Qur’ān (hifz) ní ọdún 1965 (1385 AH) ní ìlú Mecca, lábẹ́ ìtọ́sọ́nà Khalil bin Abd al-Rahman al-Qari. Ní àsìkò yìí ni ó ti mọ̀ Ali Abdullah Jaber. Lẹ́yìn tí ó parí ẹ̀kọ́ alakọbẹrẹ rẹ̀ ní Odún 1966 (1386 AH), ó kó lọ sí Medina, níbi tí ó ti tẹ̀síwájú ní ilé-ẹ̀kọ́ ìslam kan, tí ó sì parí ẹ̀kọ́ ní ọdún 1972 (1392 AH).

Lẹ́yìn náà, ó forúkọ sílẹ̀ ní Faculty of Sharia, Islamic University of Madinah, níbi tí ó ti gba ìwé-ẹ̀rí bachelor ní 1976 (1396 AH). Ó tẹ̀síwájú pẹ̀lú amọ̀ja nínú Tafsīr (ìtúmọ̀ Al-Qur’ān) àti Ulūm al-Qur’ān (ìmọ̀ sáyẹ́ǹsì Al-Qur’ān), tí ó sì gba ìwé-ẹ̀rí master láti Faculty of the Holy Qur’an and Islamic Studies. Ó parí doctorate rẹ̀ ní ilé-ẹ̀kọ́ kanna ní ọdún 1987 tàbí 1988 (1408 AH).

Pẹ̀lú ẹ̀kọ́ ilé-ẹ̀kọ́ gidi rẹ̀, Ayyub tún kẹ́kọ̀ọ́ lọ́dọ̀ ọ̀pọ̀ àwọn ulamā ní Medina, níbi tí ó ti gba ìmọ̀ jinlẹ̀ nínú Tafsīr, Fiqh (òfin ìslam), Hadith àti ìtúpalẹ̀ Hadith, pẹ̀lú Usūl al-Fiqh (ìlànà ìpìlẹ̀ òfin ìslam).

Ní ọdún 1990 (1410 AH), a yan án gẹ́gẹ́ bí ìmámù ní Masjid an-Nabawi ní Madinah, ipò tí ó dì mú títí di ọdún 1997 (1417 AH). Lẹ́yìn náà, ó tún ṣiṣẹ́ gẹ́gẹ́ bí ìmámù ní Masjid Quba àti àwọn mọ́sálásí mìíràn ní Madinah. Ní ọdún 2015 (1436 AH), a tún yan án padà sí Masjid an-Nabawi láti darí àdúrà Tarawih ní oṣù Ramadan.

Muhammad Ayyub kú ní ọjọ́ 16 Oṣù Kẹrin, 2016. A ṣe àdúrà ìsìnkú rẹ̀ ní Masjid an-Nabawi lẹ́yìn àdúrà Zuhr (ọ̀sán), a sì sin ín sí Ilé-ìsìnkú Al-Baqi ní Madinah.

1. ↑ https://en.wikipedia.org/wiki/Imam
2. ↑ Sáúdí Arábíà
3. ↑ Kùránì
4. ↑ https://en.wikipedia.org/wiki/Prophet's_Mosque
5. ↑ https://en.wikipedia.org/wiki/Medina
6. ↑ Empty citation (help) 
7. ↑ https://en.wikipedia.org/wiki/Islamic_University_of_Madinah
8. ↑ https://en.wikipedia.org/wiki/King_Fahd_Complex_for_the_Printing_of_the_Holy_Quran