Harald I van Denemarke

Harald Bloutand
Koning van Denemarke en Noorweë
Harald word gedoop, omstreeks 960.
Huis	Jelling
Titel	Koning van Denemarke
Regeer	958–985/986
Voorganger	Gorm die Oue
Opvolger	Sven Vurkbaard
Titel	Koning van Noorweë
Regeer	970–985/986
Voorganger	Harald II
Opvolger	Sven Vurkbaard
Oorlede	985/986
Eggenote	Gyrid Olafsdottir Thora
Kinders	Thyra Haraldsdatter Sven Vurkbaard Haakon Gunhilde

Harald 'Bloutand' Gormsson (Oud-Noors: Haraldr blátönn Gormsson, Deens: Harald Blåtand Gormsen; gebore omstreeks 935) was die seun van koning Gorm die Oue en Thyra Dannebod. Hy is in 985 of 986 dood nadat hy van omstreeks 958 as koning van Denemarke regeer het en vir ’n paar jaar rondom 970 as koning van Noorweë. Volgens sommige bronne het sy seun Sven Vurkbaard hom van die troon gedwing.

Harald het die Jelling-stene laat oprig ter ere van sy ouers.^[1] Encyclopedia Britannica beskou die rune-inskrifte as die bekendstes in Denemarke.^[2] Die biografie van Harald Bloutand kan opgesom word in die inskrifte op die Jelling-stene:

Harald, koning, het hierdie gedenkstene laat maak vir Gorm, sy vader, en Thyra, sy moeder; die Harald wat die hele Denemarke en Noorweë oorwin het en die Dene die Christendom laat aanneem het.

Harald se bydrae tot die kerstening van die Dene is ietwat omstrede. Feit is egter dat hy wel bekeer is. Daarna, in die 960's, het hy sy pa, Gorm, se liggaam laat herbegrawe in die kerk wat hy langs die leë grafheuwel laat bou het en die nou beroemde Jelling-stene laat maak.

Hierdie artikel is merendeels vertaal vanaf die Engelse Wikipedia-artikel en:Harald I of Denmark

• Vikingworld (Deens) – Koning Harald Bloutand (Harald Blåtand) Geargiveer 15 September 2008 op Wayback Machine
• Vikingworld (Deens) – Kerstening van die Dene Geargiveer 19 Desember 2007 op Wayback Machine