Pentref yng Ngheredigion yw Ponterwyd,[1] a leolir tua 12 milltir i'r dwyrain o Aberystwyth ar lôn yr A44 rhwng y dref honno a Llangurig. I'r de mae pentref hanesyddol Ysbyty Cynfyn. I'r gogledd ceir moelydd llwm Pumlumon. Rhed Afon Rheidol i'r de o'r pentref.
"Yr Hen Bont" ar Reidol, Ponterwyd
Amgueddfa Mwynglawdd Llywernog
Cynrychiolir yr ardal hon yn Senedd Cymru gan Elin Jones (Plaid Cymru)[2] ac yn Senedd y DU gan Ben Lake (Plaid Cymru).[3]
Hanes
Mae gan Bonterwyd nifer o adeiladau Sioraidd, gan gynnwys 'Yr Hen Bont' ar afon Rheidol, sy'n dyddio o'r 18g, a'r capel gerllaw.
Bu cloddio am fwynau yn y bryniau o gwmpas. Mae hen fwynglawdd arian Llywernog ger y pentref yn amgueddfa erbyn heddiw.
Enwogion
Ganed yr ysgolhaig Celtaidd Syr John Rhŷs ger Ponterwyd yn 1840.
Cyfeiriadau
