L’Edwige Fenech (Annaba , 24 ad Dicémbar dal 1948 ), l'è n'atōra francéśa naturaliśàda itagliàna famóśa p'r al sò cumèdi spurcaciòni a l'itagliàna di an Stanta e anc p'r al pelìculi śali ch'l à girâ par di regìsta quài Mario Bava e Sergio Martino . In séguit, da i an Utànta in avànti, l'à anc fat la prudutōra, la stilìsta e la cundutōra televiśìva.
L'è stada ligàda p'r ùnd'ś an a 'l incìrca a 'l regìsta e prudutōr Luciano Martino e par daśdòt an a Luca Cordero di Montezemolo . La gh'à 'n fiōl ch'al s ciàma Edwin nâ in dal 1971.
L’Edwige Fenech la nas da pàdar maltéś e màdar sicigliàna in dal 1948 in Algerìa , in alóra culògna francéśa, in dla sità 'd mâr 'd Annaba , in chi tèmp là cgnusùda cuma Bône . Dvintàda baghéta la spatìna a Nisa par studiàr a 'l lìceo bai e madśìna. A quatórd'ś an la rècita in dal film Toutes folles de lui (Tuti mati par lò ) ad Norbert Carbonnaux e in dla pelìcula tedésca Alle dame del castello piace molto fare quello . Sèmp'r in dal 1967 la tōś part a 'n cuncōrs ad belésa ciamâ “Lady France” durànt al Fèstival ad Cannes e la 'l vins.
Par la Fenech i s vèran acsè 'l pòrti dal cìnema. In dal 1969 la rècita par Mario Bava in dal śal 5 bambole per la luna d'agosto e 'l an dòp la taca la sò culaburasiòṅ cun Sergio Martino faghénd al film Lo strano vizio della signora Wardh e pò la cuntìnua cun Tutti i colori del buio e Il tuo vizio è una stanza chiusa e solo io ne ho la chiave . Dal 1972 'l è anc Perché quelle strane gocce di sangue sul corpo di Jennifer? ad Giuliano Carnimeo . 'L an dòp la rècita insém a Corrado Pani in Anna, quel particolare piacere ad Giuliano Carnimeo .
L'Edwige in “Top Sensation” La Fenech in “Tut i culōr dal scûr” Fóto da “Śōg'la bèṅ a scópa la sgnōra?” Insém a Fioravanti in “A t ringràsi... nunóna” Insém a Pippo Franco in na figùra ad “Cal pès grôs dl'Ubalda nûda dal tut e bèla bujènta” Insém a Montagnani in “La mujēr vìrgin” La Fenech in di tìtui ad “L'insgnànta” Na figùra ad “Al visi straṅ dla sgnōra Wardh” In cal méntar la dà inìsi a i sò lavōr in dal gènar dla cumèdia spurcaciòna a l'itagliàna cun dū tìtui cult: Quel gran pezzo dell'Ubalda tutta nuda e tutta calda e Giovannona Coscialunga disonorata con onore . Tut i la péscan, Mariano Laurenti par La bella Antonia, prima monica e poi dimonia e par La vedova inconsolabile ringrazia quanti la consolarono , Aldo Grimaldi par Quando le donne si chiamavano madonne , Giuliano Carnimeo par La signora gioca bene a scopa? e Marino Girolami par Grazie... nonna girâ insém a Giusva Fioravanti ch'al fà la part dal śuvnòt Carlét méntar lē l'è la Marijuana , la nóna.
In dal 1975 la tórna a 'l śal cun Nude per l'assassino in dua la rècita insém a Nino Castelnuovo . 'L an dòp 'l è 'l tùran ad 40 gradi all'ombra del lenzuolo e di film in dua la fà la pulisiòta, l'infarméra, la suldàda e l'insgnànta cun di tìtui quài La poliziotta fa carriera (1976), La dottoressa del distretto militare (1976), La soldatessa alla visita militare (1977) e L'insegnante va in collegio (1978).
Insém a sò marè Luciano Martino la gira La vergine, il toro e il capricorno , pò cun Steno la tōś part a La patata bollente . In dal 1980 la gira La moglie in vacanza... l'amante in città , Zucchero, miele e peperoncino e Io e Caterina cun Alberto Sordi . Dòp Cornetti alla crema e Ricchi, ricchissimi... praticamente in mutande la taca a recitàr manc. La tórna a 'l cìnema in dal 2007 p'r un cammeo in dal film ad scarésa Hostel: Part II 'd Eli Roth .
1967 • Toutes folles de lui 1967 • Alle dame del castello piace molto fare quello 1968 • Samoa, regina della giungla 1968 • Il figlio di Aquila Nera 1968 • Susanna... ed i suoi dolci vizi alla corte del re 1969 • 5 bambole per la luna d'agosto 1969 • Top Sensation 1969 • Testa o croce 1969 • Il trionfo della casta Susanna 1969 • I peccati di Madame Bovary 1969 • Mia nipote... la vergine 1969 • Desideri, voglie pazze di tre insaziabili ragazze 1970 • Don Franco e don Ciccio nell'anno della contestazione 1970 • Le Mans - Scorciatoia per l'inferno 1970 • Deserto di fuoco 1970 • Lo strano vizio della signora Wardh 1970 • Satiricosissimo 1971 • Le calde notti di Don Giovanni 1971 • L'uomo dal pennello d'oro 1972 • Tutti i colori del buio 1972 • Perché quelle strane gocce di sangue sul corpo di Jennifer? 1972 • Il tuo vizio è una stanza chiusa e solo io ne ho la chiave 1972 • La bella Antonia, prima monica e poi dimonia 1972 • Quando le donne si chiamavano madonne 1972 • Quel gran pezzo dell'Ubalda tutta nuda e tutta calda 1973 • Fuori uno... sotto un altro, arriva il Passatore 1973 • Giovannona Coscialunga disonorata con onore 1973 • La vedova inconsolabile ringrazia quanti la consolarono 1973 • Dio, sei proprio un padreterno! 1973 • Anna, quel particolare piacere 1974 • Innocenza e turbamento 1974 • La signora gioca bene a scopa? 1975 • Grazie... nonna 1975 • L'insegnante 1975 • Nude per l'assassino 1975 • Il vizio di famiglia 1975 • La moglie vergine 1976 • 40 gradi all'ombra del lenzuolo 1976 • La poliziotta fa carriera 1976 • La dottoressa del distretto militare 1976 • Cattivi pensieri 1976 • La pretora 1977 • La vergine, il toro e il capricorno 1977 • Taxi girl 1977 • La soldatessa alla visita militare 1978 • Il grande attacco 1978 • L'insegnante va in collegio 1978 • La soldatessa alle grandi manovre 1978 • L'insegnante viene a casa 1978 • Amori miei 1979 • La poliziotta della squadra del buon costume 1979 • Dottor Jekyll e gentile signora 1979 • La patata bollente 1979 • Sabato, domenica e venerdì 1980 • Il ladrone 1980 • Sono fotogenico 1980 • La moglie in vacanza... l'amante in città 1980 • Zucchero, miele e peperoncino 1980 • Io e Caterina 1980 • Il ficcanaso 1981 • Asso 1981 • Cornetti alla crema 1981 • La poliziotta a New York 1982 • Ricchi, ricchissimi... praticamente in mutande 1982 • Il paramedico 1982 • Zitto quando parli 1982 • Sballato, gasato, completamente fuso 1984 • Vacanze in America 1988 • Un delitto poco comune 2000 • Il fratello minore Film par la televiśiòṅ2007 • Hostel: Part II
.jpg)
.jpg)
.jpg)