Joseph Arthur Ankrah

Joseph Arthur Ankrah
Irudi gehiago
2. Ghanako presidente 1966ko otsailaren 24a - 1969ko apirilaren 2a ← Kwame Nkrumah - Akwasi Afrifa → Afrikar Batasuneko presidente 1966ko otsailaren 24a - 1966ko azaroaren 5a ← Kwame Nkrumah - Haile Selassie → Minister for Defence (en) 1966 - 1968 Minister for Foreign Affairs (en)
Bizitza
Jaiotza	Akkra, 1915eko abuztuaren 18a
Herrialdea	Ghana
Heriotza	Akkra, 1992ko azaroaren 25a (77 urte)
Hezkuntza
Heziketa	Accra Academy (en)
Hizkuntzak	ingelesa
Jarduerak
Jarduerak	diplomazialaria, militarra eta politikaria
Parte-hartzailea 1966 Ghana coup d'état (en)
Zerbitzu militarra
Gradua	maior jeneral soldadu
Parte hartutako gatazkak	Bigarren Mundu Gerra
Sinesmenak eta ideologia
Erlijioa	Metodismoa

Joseph Arthur Ankrah (Akkra, Urre Kosta, 1915eko abuztuaren 18a - Akkra, 1992ko azaroaren 25a) ghanatar militar eta politikaria izan zen, Ghanako estatuburua 1966–1969 bitartean.^[1]

Joseph Arthur Ankrah Akkran jaio zen 1915eko abuztuaren 18an. 1937an, goi hezkuntza amaitu ostean, zerbitzu zibilean sartu zen, eta armadan geroago. Bigarren Mundu Gerraren hasieran mobilizatu bazuten ere, 1940an Akkrako bulegora igorri zuten. Gerra ondoan, ikasketa militarrak egin zituen Britainia Handian, eta 1947an lehenbiziko afrikarra izan zen Urre Kostako Armadako ofizial maila lortzen. 1956an, major gradura goititu zuten, eta teniente koronelera 1960an. Nazio Batuen bake indarren parte izan zen Kongoko krisialdian.^[2]

1965ean armadatik bota zuten, estatu kolpe bat prestatzen ari zelakoan, baina Inbertsioetako Banku Nazionalaren zuzendari izendatu zuten. 1966ko otsailaren 24an, Kwame Nkrumah presidentea eraitsia izan zen estatu kolpe baten bitartez, eta Ankrah Askapen Nazionalerako Kontseiluko buru izendatu zuten. 1967ko urtarrilean, bitartekari aritu zen Biafrako bake negoziazioetan. Askapen Nazionalerako Kontseiluaren barneko desadostasunak zirela eta, dimisioa eman zuen 1969ko apirilean; Akwasi Afrifak ordeztu zuen Ghanako lehendakaritzan. Geroago, Accra Hearts of Oak S. C. futbol taldeko zuzendaria izan zen.^[2]