O río Magre, afluente do Xúcar, abraza o centro urbano e conflúe con aquel dentro do termo, na paraxe natural municipal da "Xopera", o único parque natural pertencente a Algemesí, posto que o resto do termo é unha enorme alfombra verde dedicada ao cultivo da laranxeira, arroz, albaricoqueiros etc. No extremo nordés do termo municipal, concretamente na partida do Barranco, está situada a Reserva do Samaruc (pequeno peixe autóctono valenciano), superficie de 11.800 m² que antes se utilizaba para o cultivo do arroz e agora, por estar incluída no Parque Natural da Albufera, dedícase á recuperación desta especie que se atopa en perigo de extinción. Tamén se traballa con flora e fauna autóctona que necesita protección por exemplo o "fartet", o "mossegadoret", o "petxinot", a "gambeta", a "gamba gavatxa" etc.
O clima é mediterráneo; veráns calorosos con temperaturas que oscilan entre 30 °C e 38 °C, con tormentas estivais finais agosto, invernos suaves que varían entre 14 °C e 4 °C, no outono choivas intensas tipicamente chamadas "gota fría".
Accédese a Algemesí dende Valencia, a través da V-31 tomando logo a CV-42. Conta tamén con estación de ferrocarril da liña de Proximidades Valencia e pola AP-7E-15, saída Algemesí.
Núcleos de poboación
Ademais da vila de Algemesí, no concello atópanse tamén os seguintes núcleos de poboación: El Pla, El Teular, Plaça de la Ribera, Bernart Guinovart, Parc Salvador Castell, Plaça d'Alacant, Barri de Santa Bàrbara, Barri de Muntanya, Barri de Capella, El Mercat, Carrascalet, Raval e os históricos poboados de Pardines e Cotes.
Economía
De economía basicamente agraria, o aproveitamento das augas da Canle Real do Xúcar introduciu o cultivo da moreira e o arroz que deron un bo pulo ao crecemento da vila. As terras dedicadas ao cultivo aumentan, sobre todo as dedicadas ao arroz, unhas 14.000 anegadas e outras 16.000 de moreira, trigo, millo, cebada, fabas e outros cultivos de regadío. Posteriormente o cultivo dos cítricos foi gañando terreo ao do arroz.
Nas últimas décadas a industria desenvolveuse de forma considerábel en detrimento da agricultura. Os novos parques empresariais da cidade atraeron a numerosas empresas de toda a rexión, fomentando así, o desenvolvemento económico de Algemesí, grazas á competitividade dos terreos para uso industrial. Algemesí é, despois de Alzira, a cidade con máis número de empresas da comarca da Ribeira Alta.
.jpg)
.svg){kind=small}
