Dorna é unha revista de expresión poética creada no mes de maio do ano 1981 grazas á iniciativa da Asociación Cultural Dorna, da Illa de Arousa.
Historia e características
A partir do segundo número da publicación, a súa edición pasou a mans da Cátedra de Filoloxía Galega da Universidade de Santiago de Compostela. A revista conta coa publicación das composicións de diversos escritores e escritoras do panorama literario galego, xa sexan relatos, poemas, críticas ou recensións, tanto de autores e autoras emerxentes coma daqueles e daquelas que contan cunha gran traxectoria ás súas costas.
Consello de Redacción
Dende o ano 2007, e logo de tres anos de ausencia, regresou cun novo director, Ramón Lorenzo Vázquez, e cun novo comité de redacción, formado por David Pobra, Xosé Manuel Salgado, Lorena Souto e Mario Regueira. Despois formaron o comité de redacción Alba Cid e Ismael Ramos.
En outubro de 2022 asumiu a dirección da revista Daniel Chapela.[1] O novo Consello de Redacción da revista está conformado desde setembro de 2023 por María Xesús Nogueira (directora), María Alonso Alonso e Jorge Rodríguez Durán.[2]
Notas
Véxase tamén
Bibliografía
Ligazóns externas
