Teodoro de Cirene

Teodoro de Cirene

Biografía
Nacemento	(grc) Θεόδωρος 465 a. C. Cirene, Libia
Morte	398 a. C. (66/67 anos) Cirene, Libia
Actividade
Ocupación	matemático
Alumnos	Platón, Teeteto e Leodamas of Thasos (en)
Descrito pola fonte	Dicionario Enciclopédico Brockhaus e Efron

Este artigo trata sobre o matemático, para o filósofo da escola cirenaica vexa Teodoro o Ateo.

Teodoro de Cirene, (465 a.C.-398 a.C.) foi un filósofo e matemático grego, nado en Cirene (hoxe en día Shahhat, Libia), desenvolvedor da teoría dos números irracionais.

Alumno de Protágoras e un dos profesores de Teeteto e Platón, viviu a maior parte da súa vida en Atenas, onde tivo contactos con Platón, quen lle consagrou o seu diálogo Teeteto (Teeteto era discípulo de Teodoro), e Sócrates. Traballou en campos tan diversos como a filosofía, a astronomía, a aritmética, a música e a educación.

Pitagórico, cría que a alegría e o xuízo eran a base para chegar á felicidade. É coñecido sobre todo polo seu traballo matemático, onde probou a irracionalidade das raíces dos números enteiros non cadrados (2, 3, 5...) polo menos até 17 a base do método tradicional pitagórico de usar a redución ao absurdo e chegar a unha inconsistencia relacionada con pares e impares.^[1] Tamén desenvolveu a espiral que leva o seu nome usando o Teorema de Pitágoras e engadindo perpendicularmente a un segmento unha unidade o que forma triángulos cunhas hipotenusas que son as sucesivas raíces graficamente.^[2] Faleceu en Cirene.

• A espiral de Teodoro de Cirene (en castelán)