Հայաստանի 2003 թվականի նախագահական ընտրություններ, ՀՀ Նախագահի 4-րդ ընտրություններ։ Համաձայն ՀՀ Սահմանադրության 51-րդ հոդվածի, ընտրություններն անցկացվեցին Նախագահի լիազորությունների ավարտին նախորդող 50-րդ օրը՝ 2003 թ. փետրվարի 19-ին։
Ընտրության կարգը
ՀՀ Նախագահի ընտրությունների հիմնարար դրույթները սահմանվեցին 1995 թ. հուլիսի 5-ի հանրաքվեով ընդունված ՀՀ Սահմանադրության 51-րդ հոդվածով, իսկ ընտրությունների անցկացման մանրամասն ընթացակարգը սահմանվեց 1998 թ. մայիսի 30-ին ընդունված ՀՀ Ընտրական օրենսգրքով։
Հայաստանի հանրապետական կուսակցությունը, Հայաստանի ռամկավար ազատական կուսակցությունը, Հայ հեղափոխական դաշնակցությունը, «Օրինաց երկիր» կուսակցությունը, Միավորված աշխատանքային կուսակցությունը, «Հզոր հայրենիք» կուսակցությունը, Հայաստանի նորացված կոմունիստական կուսակցությունը, «Հայաստանի ժողովրդավարական ազատական միություն» կուսակցությունը հայտարարեցին Ռոբերտ Քոչարյանի թեկնածությունը պաշտպանելու մասին։
Այսպիսով, թեկնածուներից և ոչ մեկը չստացավ վավեր ձայների կեսից ավելին։ Համաձայն ՀՀ Սահմանադրության 51-րդ հոդվածի, քվեարկության օրվան հաջորդող 14-րդ օրը՝ մարտի 5-ին, անցկացվեց ընտրությունների երկրորդ փուլ։
