Red Bull Arena í New Jersey var reistur sérstaklega fyrir knattspyrnu.
Bandaríska úrvalsdeildin í knattspyrnu eða Major League Soccer (MLS) er hæsta atvinnumannadeild í knattspyrnu í Bandaríkjunum.
Deildin var stofnuð árið 1993 í tengslum við HM 1994 sem haldin var í BNA. Fyrsta tímabilið var árið 1996 og hófu þá 10 lið keppni. Deildin átti erfitt uppdráttar fyrstu árin og var tap á rekstrinum. Spilað var að mestu á amerískum fótboltavöllum (amerískur fótbolti) en síðar voru byggðir sérstakir knattspyrnuvellir.
Í dag eru hins vegar 24 lið og skiptast þau í vestur- og austurdeild. Tímabilið er frá mars og út október. 14 lið spila svo í úrslitakeppni (playoffs líkt og í NBA) og er úrslitaleikur í nóvember. Lið falla ekki um deild.
Ætlunin er að fjölga liðum enn frekar og meðal annars eru fyrirhuguð lið frá St. Louis og Las Vegas. Þrjú lið í deildinni eru frá Kanada (Vancouver, Toronto og Montreal).
