Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Japan (日本, Nihon, Nippon) is 'n eilanderiek in Oos-Azië, t'n ooste vaan Sjina en de facto in de Stèlle Oceaan. 't Land heet 127 miljoen inwoeners en binne zien grenze ligk de groetste agglomeratie ter wereld: Tokio. Aander groete stei zien Sapporo, Osaka, Nagoya, Kobe en Kyoto. De veurnaomste eilen zien Honshû ('t groetste eiland en 't centrum vaan de Japanse cultuur), Hokkaido, Kyushu, Shikoku en 't al väöl kleiner Okinawa.
Japan is 't allerlèste keizerriek op Eerd.
Bestuurleke indeiling
Japan weurt dèks verdeild in nege geweste.
De eigeleke ambteleke verdeiling is in 47 prefecture, e soort provincies, gewoenlek nao hun hoofstad geneump.
Taole
Officieel taol is 't Japans. 't Japans kint ein zustertaol, 't Rioekioe, gesproke op de gelieknaomeg eilen, boevaan Okinawa 't groetste is. Op Hokkaido woort vreuger nog 't Ainu gesproke, wat noe bekans oetgestorve is.
