Malabo

**Malabo**
Lidnanznam;	Flag;
Valdkund	Ekvatorialine Gvinei
Eläjiden lugu (2012)	187,302 ristitud
Pind	21 km²
Pämez'	Maria Koloma Edjang Mbengono
Telefonkod	+240−09
Aigvö	UTC+1

Malabo (mugažo ispanijan da francijan kelil, ispanine virkand: [maˈlaβo]; vozil 1846−1973 — Santa Isabel', isp.: Santa Isabel [ˈsantajsaˈβel]) om Ekvatorialižen Gvinejan pälidnaks. Se om mugažo Pohjoine Bioko-agjan da Malabo-ümbrikon keskuz. Malabo om kahtenz' lidn valdkundas ristitišton lugun mödhe (Batan jäl'ghe).

Istorii

Eländpunktan aluz om pandud vl 1827 anglijalaižil meribazaks. Sil aigal lidnan nimi oli Port Klerens (angl.: Port Clarence).

Malabo om tazovaldkundan rahaazjoiden da torguindan päižeks keskuseks, sur' port radab eksportan täht.

Geografijan andmused

Lidn levigandeb upnuden vulkanan sunno (kal'deranno). Malabo sijadase man pohjoižes, Bioko-saren pohjoižel randal Gvinejan lahtes.

Klimat om ekvatorialine mussonine, pil'vekaz vodes läbi (kezakus-redukus eriližešti). Kun keskmäine päivänlämuz om +25,0..+27,7 C° vodes läbi. Ekstremumad oma +15,0 C° (semendku, eloku) i +36,5 C° (sulaku). Paneb 1869 mm sadegid vodes, enamba semendkus-kezakus i sügüz'kus-redukus (227..261 mm kus), vähemba vilukus (29 mm) i tal'vkus (40 mm). Kun keskmäine relätivine nepsuz vajehtase 83..84 % röunoiš tal'vkus-sulakus, 87..91 % semendkus-kül'mkus.

Eläjad da transport

Vl 2012 lidnan eläjiden lugu oli 187 302 ristitud.

Malabon (vai Santa Isabelin) rahvahidenkeskeine soda- da civiline lendimport (SSG / FGSL, 237 tuh. passažiroid vl 2020) sijadase ühesas kilometrad päivlaskmpolehe lidnan keskuzpalaspäi. Tehtas reisid Afrikan maiden surihe lidnoihe, Evropha (Madrid, Pariž, Frankfurt) da man südäimehe kontinental.

Sebruzlidnad

Meksik Gvadalahar, Meksik

Homaičendad

Irdkosketused

Lidnan administracijan oficialine sait (ayuntamientodemalabo.com). (isp.) (fr.) (angl.)

Malabo Vikiaitas

	Afrikan pälidnad
	Abudž \| Addis-Abeb \| Akkr \| Alžir-lidn \| Antananarivu \| Asmar \| Bamako \| Bangi \| Banžul \| Bisau \| Brazzavil' \| Dakar \| Dodom \| Džibuti-lidn \| Džub \| Fritaun \| Gaborone \| Giteg \| Harare \| Hartum \| Jamusukro \| Jaunde \| Kair \| Kampal \| Kigali \| Kinšas \| Konakri \| Librevil' \| Lilongve \| Lome \| Luand \| Lusak \| Malabo \| Maputu \| Maseru \| Mbabane \| Mogadišo \| Monrovii \| Moroni \| Nairobi \| Ndžamen \| Niamei \| Nuakšot \| Port Lui \| Porto Novo \| Prai \| Pretorii \| Rabat \| San Tome \| Tripoli \| Tunis-lidn \| Uagadugu \| Viktorii \| Vindhuk