Pentref bychan yng nghymuned Dwyriw, Powys, Cymru, yw Llanwyddelan.[1][2] Saif yng ngogledd y sir tua 7 milltir i'r gogledd o'r Drenewydd a thua 4 milltir i'r de o bentref Llanfair Caereinion.
Mae'r eglwys yn un o ddau yng Nghymru a gysegrir i Sant Gwyddelan, gyda Dolwyddelan yn Eryri.
Cafodd y bardd a golygydd Walter Davies (Gwallter Mechain) bersoniaeth Llanwyddelan ar 20 Mai 1803; aeth oddi yno yn ficer ym Manafon yng Ngorffennaf 1807.
Cynrychiolir yr ardal hon yn Senedd Cymru gan Russell George (Ceidwadwyr)[3] ac yn Senedd y DU gan Craig Williams (Ceidwadwr).[4]
Cyfeiriadau
