Antonio Rosón

Antonio Rosón
	;
Biografía
Nacemento	(es) Antonio Rosón Pérez ; 8 de xuño de 1911 ; Becerreá, España
Morte	24 de abril de 1986 (74 anos); Santiago de Compostela, España
1º Presidente do Parlamento de Galicia
	19 de decembro de 1981 – 24 de abril de 1986 – Tomás Pérez Vidal →
Senador de España
	1 de marzo de 1979 – 31 de agosto de 1982
Presidencia da Xunta de Galicia
	13 de xullo de 1977 – 9 de xuño de 1979 ; ← Alfonso Daniel Rodríguez Castelao – Xosé Quiroga Suárez →
Deputado no Congreso dos Deputados
	4 de xullo de 1977 – 2 de xaneiro de 1979 ; Lexislatura: Lexislatura Constituínte de España ; Circunscrición electoral: Circunscrición electoral de Lugo ; Electo en: Eleccións Xerais 1977 en España
Procurador en Cortes
	11 de novembro de 1971 – 30 de xuño de 1977 ; Lexislatura: X lexislatura das Cortes franquistas
Procurador en Cortes
	6 de novembro de 1967 – 11 de novembro de 1971 ; Lexislatura: IX lexislatura das Cortes franquistas
Procurador en Cortes
	13 de maio de 1949 – 5 de abril de 1952 ; Lexislatura: III lexislatura das Cortes franquistas
Presidente da Deputación de Lugo
	1949 – 1951 ; ← Eduardo García Rodríguez – Rafael Sarandeses Pérez →
Deputado do Parlamento de Galicia
Datos persoais
Educación	Universidade de Valladolid - dereito
Actividade
Lugar de traballo	Madrid
Ocupación	avogado, político
Partido político	Unión de Centro Democrático
Membro de	Real Academia Galega de Xurisprudencia e Lexislación
Familia
Pai	Eulogio Rosón López
Irmáns	Juan José Rosón; Eduardo Rosón Pérez; Senén Eulogio Rosón Pérez; Luis Rosón Pérez
Premios
	(1986) Medalla de Ouro de Galicia; (1975) Gran Cruz da Orde Civil do Mérito Agrícola ;

Antonio Rosón Pérez, nado en Becerreá o 8 de xuño de 1911 e finado na cidade de Lugo o 24 de abril de 1986, foi un avogado galego, primeiro presidente da preautonomía Xunta de Galicia antes aprobación do Estatuto de autonomía de Galicia de 1981. Tamén foi o primeiro presidente da Caixa Rural de Lugo ata o seu falecemento.

Traxectoria

No franquismo

Fillo máis vello do farmacéutico de Becerreá, Eulogio Rosón López. Estudou o bacharelato no Instituto de Lugo, estudando logo en Santiago de Compostela e Oviedo, rematando por licenciarse en Dereito pola Universidade de Valladolid. Comezou a súa vida profesional en Lugo ao abeiro do seu tío Eduardo Rosón López. Na altura do golpe de Estado do 18 de xullo de 1936, Antonio Rosón ingresou na Falanxe^[1] e no Exército golpista co grao de alférez, encargándose de labores represivos na provincia lucense.^[2]

Desmobilizado en decembro de 1939, exerceu como avogado defensor en consellos de guerra. Logo participou intensamente na vida política do franquismo. Foi nomeado Delegado Provincial de Educación Popular da Falange de Lugo en maio de 1942, posto do que foi cesado en novembro dese ano.^[3] Foi subxefe provincia de Falange,^[1] procurador nas Cortes en representación do terzo familiar pola provincia de Lugo, durante a IX e a X Lexislatura; presidente da Deputación Provincial de Lugo entre 1949 e 1951; presidente da Cámara provincial Agraria desa provincia. Aínda foi vicedecano do Colexio de Avogados de Lugo; presidente da Comisión de Agricultura do Consello Económico e Sindical do Noroeste de España e conselleiro de FRIGSA (Frigoríficos Industriales de Galicia).

Democracia

Logo da constitución da Xunta preautonómica (1977), a UCD, partido maioritario en Galiza, rexeitou a posibilidade de que un galeguista histórico a presidise. Despois de ter barallado a opción de situar como presidente a Pío Cabanillas Gallas, finalmente optou por nomear a Antonio Rosón, que fora un dos fundadores de Alianza Popular en Galicia, aínda que deseguido se afastou dela. Rosón impulsou o denominado Estatuto dos dezaseis, aberto a todas as forzas políticas, incluídas as extraparlamentarias como o Partido Galeguista recentemente reconstituído e o Partido Obreiro Galego. Porén, o intento do entón presidente do Goberno, Adolfo Suárez, para aprobar un estatuto cun conxunto de competencias inferior aos do País Vasco e Cataluña, provocou un gran malestar na comunidade galega, ao que se sumaría unha parte da UCD local e o mesmo presidente da Xunta preautonómica, Antonio Rosón, quen tentaba involucrar a unha parte do nacionalismo no proceso de creación da autonomía e foi el quen outorgou ao 25 de xullo o carácter de Día Nacional de Galicia. A UCD decidiu substituílo e, en 1979, Xosé Quiroga foi nomeado novo presidente da Xunta de Galicia.

Desfeita a UCD, Rosón uniuse ao Partido Liberal coaligado con Alianza Popular, atinxindo aínda a ser Presidente do Parlamento de Galiza na I lexislatura (1981-1985) e na súa segunda lexislatura entre 1985 e 1986, sendo substituído, pola súa mala saúde, o 13 de maio dese último ano por Tomás Pérez Vidal.

Rosón foi tamén Deputado por Lugo (1977-1979) e mais Senador tamén por Lugo (1979–1982)

Foi membro de número da Real Academia Galega de Lexislatura e Xurisprudencia. Estaba na posesión da Gran Cruz del Mérito Agrícola.

Obra publicada

Rosón publicou obras fundamentalmente dedicadas a temática agraria desde perspectiva xurídica. A destacar:

Ordenación jurídico-agraria de Gaicia (1949).
Concentración parcelaria e patrimonio familiar. Bases de la revolución agraria gallega (1952).

Notas

↑ ^1,0 ^1,1 Villanueva Gesteira, María Dolores (2015). A editorial Galaxia: proxecto e traxectoria 1950-1963. Santiago de Compostela: USC. p. 156. Arquivado dende o orixinal o 07 de xullo de 2022. Consultado o 11 de decembro de 2016.
↑ "Los Rosón, azote de Galicia". Interviú (en castelán) (107). 1978.
↑ López Rodríguez, Pilar; Baz Vicente, Mª Jesús (2008). "Una aproximación a Falange en la provincia de Lugo (1936-1942)" (PDF). En Universidade de Santiago de Compostela. A patria enteira. Homenaxe a Xosé Ramón Barreiro Fernández. Santiago de Compostela. pp. 195–219. ISBN 978-84-9887-000-8. Arquivado dende o orixinal (PDF) o 04 de maio de 2021. Consultado o 10 de setembro de 2022.

Véxase tamén

Bibliografía

"Rosón Pérez, Antonio". Enciclopedia Galega Universal. Ir Indo. 1999-2002. ISBN 84-7680-288-9.
Presas Sobrado, Adrián (2019). "Unha Falanxe decidida: a necesidade de controlar o poder provincial. O caso da provincia de Lugo". Elites políticas e poder local na Galicia urbana (1939-1951) (PDF) (Tese). Universidade de Vigo.
Rodríguez-Polo, Xosé Ramón (2011): "Rosón Pérez, Antonio" en Diccionario Biográfico Español, Madrid: Real Academia de la Historia.

Outros artigos

Ligazóns externas

Biografía en culturagalega.org

[minerva.usc.es-1] 1,0 ^1,1 Villanueva Gesteira, María Dolores (2015). A editorial Galaxia: proxecto e traxectoria 1950-1963. Santiago de Compostela: USC. p. 156. Arquivado dende o orixinal o 07 de xullo de 2022. Consultado o 11 de decembro de 2016.

[2] "Los Rosón, azote de Galicia". Interviú (en castelán) (107). 1978.

[3] López Rodríguez, Pilar; Baz Vicente, Mª Jesús (2008). "Una aproximación a Falange en la provincia de Lugo (1936-1942)" (PDF). En Universidade de Santiago de Compostela. A patria enteira. Homenaxe a Xosé Ramón Barreiro Fernández. Santiago de Compostela. pp. 195–219. ISBN 978-84-9887-000-8. Arquivado dende o orixinal (PDF) o 04 de maio de 2021. Consultado o 10 de setembro de 2022.

[1]

[2]

[3]