Noord-Dakota (Engels: State of North Dakota) is 'n deelstaat in die middeweste van die Verenigde State van Amerika. Die hoofstad is Bismarck en die grootste stad Fargo. Dit is die 19de grootste deelstaat met 'n oppervlakte van 183 272 vierkante kilometer.
Noord-Dakota het 'n bevolking van sowat 672 000 en word in die noorde deur Kanada (provinsies: Saskatchewan en Manitoba), in die ooste deur Minnesota, in die suide deur Suid-Dakota, en in die weste deur Montana begrens. Die staat lê in die Bo-middeweste en in die Groot Vlaktes. Dit het 'n tipiese vastelandsklimaat met warm somers en lang, koue winters.
Die naam "Dakota" is 'n woord uit die Lakota-taal en beteken "ewige vriend."
Noord-Dakota se byname is Peace Garden State, Roughrider State, Flickertail State, The 701 en Norse Dakota (die woord Norse verwys na die groot getalle Skandinawiërs wat hulle in Noord-Dakota gevestig het). Na Noord-Dakota word as Amerika se veiligste deelstaat verwys, selfs al is dit net in die derde plek van die veiligste VSA-deelstate, ná New Hampshire en Maine.
'n Spoorwegbrug oor die Sheyenne RiverMedora, 'n klein nedersetting in die Badlands, suid van die Theodore Roosevelt National ParkKnife River Indian Village National Historic SiteTheodore Roosevelt National ParkSonneblomme in Noord-Dakota
.jpg)
.svg){kind=small}
