Percy H. Webb

Percy H. Webb
Biografía
Nacemento	1856.
Morte	4 de marzo de 1937 (81 anos).; Walton-on-Thames.; Surrey; Inglaterra.
16º Presidente da Real Sociedade Numismática
	1936 – 1937 ; ← George MacDonald – Edward Allen Sydenham →
14º Presidente da Real Sociedade Numismática
	1930 – 1935 ; ← Charles Oman – George MacDonald →
Datos persoais
País de nacionalidade	Británica
Q89547790	Estudos de numismática imperial romana.
Actividade
Campo de traballo	Numismática.
Ocupación	avogado, numismático, coleccionista
Premios
	1921: Medalla da RNS.

Percy Henry Webb, nado en Hampshire en 1856 e finado en Walton-on-Thames, Surrey o 4 de marzo de 1937, foi un numismático británico especializado na moeda do Imperio Romano.

Foi presidente da Royal Numismatic Society, entidade á que estivo vinculado desde 1901 ata a súa morte.

Traxectoria

Percy H. Webb procedía dunha familia con varias xeracións de arqueólogos e arquitectos. Educouse en Malborough e posteriormente graduouse en Dereito. Exerceu como avogado no distrito londiniense de Smithfield durante máis de cinco décadas.^[1]^[2]

Web foi desde a súa xuventude un coleccionista de moedas do Imperio Romano e un estudoso da moeda desta época, sinaladamente das cuñaxes do século II. O seu traballo principal foi o tomo V da obra The Roman Imperial Coinage, publicada en dous volumes en 1927 e 1933, con Harold Mattingly e Edward Sydenham como coeditores.^[3]^[4]^[5]

A súa traxectoria como numismático estivo moi vinculada á Royal Numismatic Society, de Londres, na que ingresou en 1901. Nesta sociedade accedeu ao cargo de tesoureiro en 1906 e ocupou a súa presidencia en dous períodos: 1930-1935 e 1936-1937.^[2]^[3]^[5]^[6]

Webb foi un destacado colaborador no Congreso Internacional de Numismática que tivo lugar en Londres en 1936, organizado pola Royal Numismatic Society.^[5]^[7]^[8]

Entre outras entidades académicas e asociativas, Webb foi tamén un colaborador activo da Sociedade Arqueolóxica de Surrey, de cuxo consello directivo formou parte,^[9] e da Sociedade Arqueolóxica de Sussex.^[1]

Percy H. Webb faleceu o 4 de marzo de 1937 na súa residencia, The Garden, en Walton-on-Thames, Surrey, aos 81 anos.^[1]^[10]

Recoñecementos

Honras

Durante a primeira guerra mundial, Webb traballou para prestar axuda legal aos refuxiados belgas, o que lle valeu a concesión da medalla do rei Alberte de Bélxica.^[2]^[7]

Por outros méritos na guerra foi nomeado membro da Orde do Imperio Británico e recibiu o recoñecemento do Goberno de Nova Zelandia.^[2]^[7]

Premios

(1921): Medalla da Royal Numismatic Society, de Londres.^[11]

Publicacións

Ademais do seu traballo monográfico no que cataloga a moeda imperial romana entre Valeriano (253-260) e o rebelde galo Amando (finais do século III), Webb publicou en Numismatic Chronicle diversos artigos acerca da numismática dese período, dos que aquí se recollen os máis salientables:^[12]^[13]

Monografías

(1927). The Roman imperial coinage. Vol V. Part 1: Valerian to Florian. Spink, Londres.^[14]
(1933). The Roman imperial coinage. Vol V. Part 2. Probus to Amandus. Spink, Londres.^[15]

Artigos en Numismatic Chronicle

(1907). "The reign and coinage of Carisius, A.D. 287-293". NC, 4ª serie. Vol. 7. páxinas 1-88. Parte II (páxinas 156-218); Parte III (páxinas 291-338); Parte IV (páxinas 373-428).

(1906). "The coinage of Allectus". NC, 4ª serie. Vol. 6. Páxinas 127-171.
(1910). "The coinage of the reign of Julian the Philosopher". NC, 4ª serie. Vol. 10. Páxinas 238-250.
(1915). "Overstrikes of Carisius". NC, 4ª serie. Vol. 15. Páxinas 135-136.
(1919). "The reform of Aurelian". NC, 4ª serie. Vol. 19. Páxinas 235-243.
(1920). "The Alexandrian Mint". NC, 4ª serie. Vol. 20. Páxinas 208-215.
(1921). "Third cebtury Roman mints and marks". NC, 4ª serie. Vol. 1. Páxinas 226-293.
(1929). "The pre-reform coinage of Diocletian and his colleagues". NC, 4ª serie. Vol. 9. Páxinas 191-217.