Inga Sæland

Inga Sæland (IngS)
Formaður Flokks fólksins
Núverandi
Tók við embætti 2016
Alþingismaður
frá  kjördæmi    þingflokkur 2017  Reykjavík s.  Flokkur fólksins
Persónulegar upplýsingar
Fædd	3. ágúst 1959 (1959-08-03) (65 ára) Ólafsfjörður
Stjórnmálaflokkur	Flokkur fólksins
Menntun	BA í lögfræði
Háskóli	Háskóli Íslands
Æviágrip á vef Alþingis

Inga Sæland (f. 3. ágúst 1959) er íslenskur stjórnmálamaður sem er fyrsti og núverandi formaður Flokks fólksins.^[1] Hún situr á Alþingi fyrir Reykjavíkurkjördæmi suður eftir að hafa náð kjöri í Alþingiskosningunum 2017. Inga hlaut BA-gráðu í lögfræði við Háskóla Íslands árið 2016 og nam þar áður stjórnmálafræði í skólanum frá 2003–2006.^[2]

Inga hafði áður orðið þjóðkunn sem keppandi í íslenskri útgáfu hæfileikaþáttanna X factor á árunum 2006-2007.^[3] Sem stjórnmálamaður hefur Inga lýst sjálfri sér sem popúlista og líkt sjálfri sér við frönsku stjórnmálakonuna Marine Le Pen.^[4] Sem þingmaður hefur Inga gjarnan verið málsvari öryrkja og hinna fátæku á Íslandi.

Inga á fjögur börn og fimm barnabörn.^[5]

1. ↑ Um Flokk fólksins Geymt 7 nóvember 2017 í Wayback Machine, sótt 31. desember 2017.
2. ↑ Inga Sæland, Æviágrip þingmanna frá 1845, Alþingi, sótt 31. desember 2017.
3. ↑ „Inga Sæland kvaddi X Factor“. Vísir. 16. mars 2007. Sótt 28. nóvember 2018.
4. ↑ „Inga Sæland: „Ég er sennilega svona Marine Le Pen týpa"“. Kjarninn. 2. ágúst 2017. Sótt 28. nóvember 2018.
5. ↑ „Inga Sæland“. RÚV. 18. október 2016. Sótt 28. nóvember 2018.