En 1569 hispana kapitano Miguel López de Legazpi surteriĝis ĉe enfluejo de rivero, kie li trovis indiĝenan komunumon "Akean", kiu similis al nomo de la rivero proksima. Post 2 jaroj la loko estis paroĥo fare de la aŭgustenanoj kiel Calivo. Dum fino de la hispana periodo en 1897 dek naŭ homoj martiriĝis. Post la hispana regado Usono sekvis. Dominadon de Usono interrompis la mallonga japana okupo (1942-1945). En 1956 la provinco Aklan estis oficiale inaŭgurita kaj Kalibo iĝis la ĉefurbo.
Ekonomio
La ĉefa industrio de Kalibo estas la agrikulturo surbaze de rizoj kaj kokosoj. Laŭ la hejma industrio oni faras mansakojn eĉ por eksterlando. Multe da vendejegoj funkcias en la urbo.
Religio
La loĝantoj estas plejparte katolikoj, ĝin efektivigas la urba katedralo.
Trafiko
Vojo en Kalibo
Kalibo estas atingebla laŭ la marborda ĉefvojo ambaŭflanke. Enurbe 3500 registritaj tricikloj (kelkaj kun 8 pasaĝeroj), taksioj kaj busetoj, inter la insulaj urboj aŭtobusoj trafikas. Estas ankaŭ ekskursaj aŭtobusoj. La urbo havas havenon kaj internacian flughavenon.
Klimato
Kalibo situas en la tropika klimato. Jare pluvas averaĝe po 1264 mm. En ĉiuj monatoj pluvas, tamen inter junio-novembro pli ofte. La averaĝa jara temperaturo varias inter 24-30 °C. Ne estas grandaj diferencoj inter la monatoj.
