En tiu loko estis indiĝena komunumo nomata Long, la loĝantoj prenis la kristanismon post alveno de hispanaj misiistoj, sed precipe depost 1609. La misiistoj konstruis ŝtonfortikaĵon, poste ĝi iĝis centro de la kredo. En 1650 Tandag ĉefurbo de granda teritorio en la insulo. Dum la sekvaj jarcentoj parte piratoj, parte sismoj, parte tifonoj detruis la fortikaĵon, fine pro la 2-a mondmilito restis nenio. Depost la mallongdaŭra filipina revolucio (1898) dominado de Usono, pli poste Japanio okazis. En 2007 la statuso estis levita al komponenta urbo.
Ekonomio
En Tandag la plej multaj el la homoj estas kamparanoj (rizoj, maizoj, kaj kokosoj) aŭ fiŝkaptistoj, krome gravas la komerca sektoro.
Trafiko
Tandag voje estas alirebla laŭ la marborda ĉefvojo ambaŭflanke. La urbo havas enlandan flughavenon kaj maran havenon. En la urbo plejparte tricikloj kaj busetoj, ekstere aŭtobusoj liveras la pasaĝerojn.
Klimato
La klimato de Tandag estas klasifikita kiel ekvatora klimato. Jare pluvas averaĝe po 4490 mm, en ĉiuj monatoj pluvas abunde. La averaĝa jara temperaturo estas 27 °C kaj varias inter 23-31 °C. Ne estas grandaj diferencoj inter la monatoj.
