Natria dukloroacetato, dukloroacetato de natrio (DKN) aŭ C2HCl2NaO2 estas natria kombinaĵo de acetata acido kie du el la tri hidrogenoj el la metila grupo estas anstataŭata de kloratomoj. La saloj kaj esteroj de la dukloroacetata acido nomatas dukloroacetatoj. Saloj de DKN uzatas kiel drogoj pro tio ke ili inhibas la enzimon piruvata[2] malhidrogenaza[3] kinazo[4].
La unuaj raportoj pri ĝia aktiveco kontraŭ kancerĉeloj kondukis pacientojn al mema traktado kun DKN, kiu estas komerce disponebla laŭ ne farmaciaj gradoj. Preparaj studoj konkludis ke DKN estas sekura substanco, tamen tiuj esploroj ne sukcesis determini ĝian efikecon.
Proprecoj
Dukloroacetato de natrio montriĝas havi sennombrajn efektojn sur la vojoj de la permetabolo. Eksperimentoj raportas ke la komponaĵo sukcesas inhibi la glukoneogenezon[5] kaj stimuli la uzon de la periferia glukozo.. Oni malkovris ke ĝi faciligas la oksidiĝon de laktatoj per plialtigo de aktiveco de la piruvata malhidrogenazo.
Ĉi-substanco same elmontras la kapablecon je inhibado de lipogenezo[6] kaj kolesterolgenezo[7], samkiel ĝia propra metabolo. Krom tio, eksperimentoj elmontras ke natria dukloroacetato plibonigas la korfunkcion kaj la mekanika efikeco de la maldekstra ventriklo per faciligo de miokardia metabolo de laktatoj kaj karbohidratoj. Aliaj esploroj sugestas ke la natria dukloroacetato inhibas tumorkreskon kaj inhibas la dismultiĝon samkiel induktas la apoptozon en kancerĉeloj.
Literaturo
Vidu ankaŭ
Referencoj
