14. nóvember

Okt – Nóvember – Des
Su	Má	Þr	Mi	Fi	Fö	La
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
2024 Allir dagar

14. nóvember er 318. dagur ársins (319. á hlaupári) samkvæmt gregoríska tímatalinu. 47 dagar eru eftir af árinu.

Atburðir

1305 - Raymond Bertrand de Got varð Klemens 5. páfi.
1417 - Vopnahléssamningur var gerður í Slésvík milli Kalmarsambandsins og greifanna í Holtsetalandi.
1501 - Arthúr prins af Wales gekk að eiga Katrínu af Aragóníu. Hún varð síðar kona bróður hans, Hinriks 8.
1642 - Hollenski landkönnuðurinn Abel Tasman uppgötvaði Van Diemens-land sem síðar var nefnt Tasmanía.
1643 - Meishō keisaraynja í Japan sagði af sér og Kōmyō annar tók við embættinu.
1659 - Danir og Hollendingar tóku sænskar hersveitir á Fjóni til fanga eftir orrustuna um Nyborg.
1665 - Konungslögin um einveldið í Danmörku voru undirrituð af Friðriki 3..
1894 - Sjómannafélagið Báran var stofnað í Reykjavík.
1909 - Kotstrandarkirkja í Ölfusi var vígð.
1917 - Staðfest voru lög um sjálfræði og fjárræði manna á Íslandi. Samkvæmt þeim urðu menn sjálfráða 16 ára og fjárráða 21 árs. Síðar lækkaði fjárræðisaldur í 20 ár þann 19. desember 1967 og í 18 ár þann 1. október 1979.
1922 - Breska ríkisútvarpið BBC hóf útsendingar.
1930 - Hitaveita Reykjavíkur var tekin í notkun með 2800 metra langri heitavatnslögn frá þvottalaugunum í Laugardal. Þetta var fyrsta hitaveita á Íslandi og tengdust henni 70-80 hús, þar á meðal Sundhöllin og Landspítalinn.
1940 - 500 þýskar sprengjuflugvélar réðust á Coventry í Englandi og lögðu borgina í rúst. Dómkirkjan í Coventry brann til grunna.
1956 - Togarinn Fylkir sigldi á tundurdufl norður af Straumnesi og sökk. Öll áhöfnin bjargaðist um borð í togarann Hafliða.
1963 - Ríkisstjórn undir forsæti Bjarna Benediktssonar tók við völdum og sat í tæplega sjö ár. Hún var hluti svokallaðrar viðreisnarstjórnar.
1963 - Surtseyjargossins varð vart um klukkan sjö að morgni að staðartíma á Íslandi.
1970 - Bílgreinasambandið var stofnað á Íslandi.
1971 - Shenouda 3. varð Alexandríupáfi.
1972 - Dow Jones-vísitalan fór yfir þúsund stig í fyrsta skipti.
1975 - Spánverjar hurfu frá Vestur-Sahara.
1982 - Lech Wałęsa var sleppt úr fangelsi í Póllandi.
1984 - Borgarstjórinn Cesar Climaco, andstæðingur forseta Filippseyja Ferdinand Marcos, var myrtur.
1985 - Hólmfríður Karlsdóttir var kjörin Ungfrú heimur 22 ára gömul.
1989 - SWAPO vann sigur í kosningum í Namibíu.
1991 - Norodom Sihanouk sneri aftur til Kambódíu eftir 13 ára útlegð.

2003 - Vísindamenn í San Diego uppgötvuðu dvergreikistjörnuna 90377 Sedna.
2007 - Jarðskjálfti upp á 7,7 á Richter skók Chile.
2007 - Háhraðalest frá London að Ermarsundsgöngunum, High Speed 1, var opnuð.
2009 - Haldinn var um 1.500 manna þjóðfundur í Laugardalshöll í Reykjavík um framtíðarstefnu Íslands.
2010 - Bandaríska teiknimyndin Ævintýralegur flótti var frumsýnd.
2011 - Sýrlandi var vikið úr Arababandalaginu.
2011 - AMD kynnti fyrsta 16-kjarna örgjörvann.
2012 - Ísraelsstjórn hóf Varnarsúluaðgerðina gegn starfsemi Hamas á Gasaströndinni. Næstu viku voru 140 Palestínumenn drepnir, þar á meðal Ahmed Jabari, herforingi Hamas.
2013 - Dýrasti demantur heims, Pink Star, var seldur á 83 milljónir dala.
2021 - Óvenjumiklar rigningar ollu flóðum í norðvesturríkjum Bandaríkjanna.

Fædd

1567 - Mórits af Nassá, Óraníufursti (d. 1625).
1650 - Vilhjálmur 3. Óraníufursti (d. 1702).
1719 - Leopold Mozart, austurrískt tónskáld (d. 1787).
1765 - Robert Fulton, bandarískur verkfræðingur og uppfinningamaður (d. 1815).
1779 - Adam Gottlob Oehlenschläger, danskt skáld (d. 1850).
1805 - Fanny Mendelssohn, þýskt tónskáld og píanóleikari. (d. 1847).
1840 - Claude Monet, franskur listamaður (d. 1926).
1856 - Þórður J. Thoroddsen, íslenskur læknir (d. 1939).
1889 - Jawaharlal Nehru, indverskur stjórnmálamaður (d. 1964).
1894 - Pétur J.H. Magnússon, íslenskur knattspyrnumaður og formaður Knattspyrnufélagsins Fram (d. 1963).
1907 - Astrid Lindgren, sænskur rithöfundur (d. 2002).
1917 - Park Chung-hee, suðurkóreskur stjórnmálamaður (d. 1979).
1908 - Joseph McCarthy, bandarískur stjórnmálamaður (d. 1957).
1922 - Boutros Boutros-Ghali, aðalritari Sameinuðu þjóðanna (d. 2016).
1922 - Veronica Lake, bandarísk leikkona (d. 1973).
1933 - Ingibjörg Jónsdóttir, íslenskur rithöfundur (d. 1986).
1935 - Hússein Jórdaníukonungur (d. 1999).
1939 - Andri Ísaksson, íslenskur prófessor í uppeldisfræði (d. 2005).
1944 - Björn Bjarnason, íslenskur stjórnmálamaður.
1948 - Karl 3. Bretakonungur.
1953 - Þorsteinn B. Sæmundsson, íslenskur stjórnmálamaður.
1954 - Logi Ólafsson, íslenskur knattspyrnuþjálfari.
1954 - Condoleezza Rice, bandarískur stjórnmálamaður.
1964 - Patrick Warburton, bandarískur leikari og uppistandari.
1972 - Josh Duhamel, bandarískur leikari.
1972 - Edyta Górniak, pólsk tónlistarkona.
1974 - Brynja Þorgeirsdóttir, íslensk dagskrárgerðarkona.
1975 - Luiz Bombonato Goulart, brasilískur knattspyrnumaður.
1977 - Brian Dietzen, bandarískur leikari.
1984 - Marija Šerifović, serbnesk söngkona.
1985 - Thomas Vermaelen, belgískur knattspyrnumaður.

Dáin

1263 - Alexander Nevskíj, stórhertogi af Hólmgarði.
1522 - Anna af Frakklandi, hertogaynja af Bourbon og ríkisstjóri Frakklands 1483-1491 (f. 1461).
1635 - Magnús Arason, sýslumaður á Reykhólum (f. 1599).
1716 - Gottfried Wilhelm von Leibniz, þýskur stærðfræðingur og heimspekingur (f. 1646).
1734 - Louise de Kérouaille, frönsk hjákona Karls 2. Bretakonungs (f. 1649).
1817 - Policarpa Salavarrieta, kólumbísk sjálfstæðishetja (f. í kringum 1795).
1831 - Georg Wilhelm Friedrich Hegel, þýskur heimspekingur (f. 1770).
1832 - Rasmus Kristján Rask, danskur málfræðingur (f. 1787).
1918 - Torfhildur Hólm, íslenskur rithöfundur (f. 1845).
1938 - Hans Christian Gram, danskur örverufræðingur (f. 1853).
1942 - Hallgrímur Hallgrímsson, íslenskur verkalýðsleiðtogi (f. 1910).
1966 - Steingrímur Steinþórsson, forsætisráðherra Íslands (f. 1893).
1970 - Þórir Bergsson, íslenskur rithöfundur (f. 1885).
1983 - Tómas Guðmundsson, íslenskt skáld (f. 1901).