Cortinarius salorCortinariaceaefamiliakoonddoespezie bat da. Kalitate eskaseko jangarria.[1] Urria Euskal Herrian. Mixacium bat da, hau da, kapela eta oin likatsua, more kolorekoak kapela, orriak eta oina, erraboilduna, eta orriak zabal.
Deskribapena
Kapela: 3 eta 8 cm arteko diametrokoa, hasieran hemisferikoa, gero ganbila eta azkenik laua. Gainazala leuna, likatsua, mingotsa ez dena, morea, okre kolorerako joera du, batez ere erdian.
Orriak: Kolore morea dute, kapelaren kolore berea gaztetan, esporak heltzen direnean marroi-kanela kolorea hartzen dute. Oso zabal, eta 1 edo 2 orritxorekin tartean.
Hanka: Likatsua, zilindrikoa edo klabiformea, 4-12 x 0,5-2 cm-koa, kapelaren kolore berekoa, baina esporak direla eta goiko aldean okrez tindatutako gortina hondarrekin eta oinarria mehetua dagoen erraboil batekin.
Haragia: Zuria, tonu biolazeoekin. Usain eta zapore hautemanezinak.[2]
Etimologia:Cortinarius hitza, gortinatik dator, gortina eta guzti, errezelaren hondakin bereizgarriak direla eta.
Jangarritasuna
Jangarria, baina ez da preziatua, bere itxuragatik eta lirdingatsua delako.[3]
Nahasketa arriskua
Erraz ezagutzen da, bere lila kolore ederragatik eta oinaren eta kapelaren lirdinga handiagatik.[4]
Sasoia eta lekua
Udan eta udazkenean, bai hostoerorkorren basoetan , bai mendiko koniferoen basoetan.[5]
Banaketa eremua
Kanada, Ameriketako Estatu Batuak, Alaska, Europa, Islandia, Errusia, Papua Ginea Berria, Japonia, Taiwan, Zeelanda Berria, Kamerun.[6]
.JPG)
