Lakaria arrunt

Lakaria arrunta
Irudi gehiago
Sailkapen zientifikoa
Erreinua	Fungi
Klasea	Agaricomycetes
Ordena	Agaricales
Familia	Hydnangiaceae
Generoa	Laccaria
Espeziea	Laccaria laccata Cooke, 1884
Basionimoa	Agaricus laccatus
Mikologia
orriak himenioan   txapel ganbila   himenioa adnatua da   hanka biluzik dago   espora zuriak dauzka   mikorrizak eratzen ditu   jangarria da Oharra: ez fidatu soilik orri honetan ematen diren datuez perretxiko bat identifikatzeko orduan. Inolako zalantzarik izanez gero, kontsultatu aditu batekin.

Orri zurbileko lakaria arrunta (Laccaria laccata) Hydnangiaceae familiako onddo espezie bat da.^[1]

Oina bota eta kapela bakarrik jatea gomendatzen da. Hobe da hornigai gisa edo beste perretxiko batzuekin nahastuta erabiltzea.

Kapela: 2 eta 5 cm bitarteko diametrokoa, ganbila, ondoren laua, azkenean uhindua eta apur bat hondoratua; matea, glabroa edo apur bat ezkatatsua, kolore arre-gorrixka, erraz koloregabetzen dena.

Orriak: Oso lodiak, zabal, ez oso ugariak, itsatsiak edo dekurrente samarrak, haragi kolore argikoak, esporetatik datorren hauts zuri batek estaltzen ditu.

Otri dekurrenteak: Hanka ukitzeaz gain, beherantz jarraitzen duten orriak.

Hanka: Luzea, haritsua, zaila, kapelaren antzeko kolorekoa edo mateagoa, oinarrian mizelio zuri bat duela, edo bioleta kolorekoa Laccaria bicolor espeziean.

Haragia: Mehea, arrosa kolorekoa, lehortzean zurbildu egiten da. Usaina eta zaporea ez dira oso nabarmenak.^[2]

Etimologia: Laccata epitetoa Erdi Aroko latinetik dator, tindatzen esan nahi duen "laccare" hitzetik. Orrien koloreagatik.

Jangarria, baina ez oso mamitsua. Beste perretxiko batzuekin nahastuz gero nahiko ona da.^[3]

Espezie hauekin: Laccaria bicolor, Laccaria proxima, Laccaria tortilis eta Laccaria amethystina eta abar. Behaketa mikroskopikoa behar da identifikatzeko.^[4]

Udan eta udazkenean oso ohikoa da koniferoen eta hostogalkorren basoetan.^[5]

Ipar Amerika, Europa.